El subdelegado do Goberno en Ourense, Eladio Santos, visitou esta mañá os concellos de Entrimo e Calvos de Randín para abordar cos seus respectivos alcaldes a situación de ambos os municipios e os proxectos desarollados nos mesmos a través de achegas estatais. No caso de Entrimo, Eladio Santos tratou co rexedor municipal, Ramón Alonso, a axuda de 33.000 euros concedida ao municipio para a mellora de camiños rurais de acceso a parcelas agrícolas, que está cofinanciada polo Fondo Europeo Agrícola de Desarollo Rural, o Estado e a Xunta de Galicia.
Ademais, trataron o investimento de 600.000 euros para a reforma do antigo casino e a súa reconversión en hotel e albergue, dentro do Programa de Impulso á Rehabilitación de Edificios Públicos a través dos fondos europeos Next Generation; así como a achega estatal de 200.000 euros nos últimos anos para a mellora da eficiencia enerxética no concello.
En relación á implantación da banda larga en todos os municipios do rural, obxectivo do Programa ÚNICO, o subdelegado adiantou que “vai ser inminente” a chegada deste servizo ás pouco poboacións que restaban por contar con el na zona.
Durante a súa visita, Eladio Santos tamén puxo en valor a iniciativa “Horizonte Entrimo”, presentada ao programa de axudas de reto demográfico, do Ministerio de Transición Ecolóxica, no cal se lle concedeu, á espera de resolución definitiva, un orzamento de 200.000 euros para o seu desenrolo. “Trátase dun proxecto moi interesante e completo, para a transformación do concello, dos espazos turísticos e da súa habitabilidade, que pon en evidencia a boa xestión actual, que elabora proxectos interesantes e atractivos que logran conseguir este tipo de axudas e mantense sempre atento a todas as convocatorias dos ministerios”, destacou o subdelegado.
Visita a Calvos de Randín
Pola súa banda, durante a visita a Calvos de Randín, Santos tratou co rexedor municipal, Aquilino Valencia, o apoio do Goberno do Estado ao municipio a través de axudas como a de 83.000 euros para a renovación da súa iluminación pública; a subvención de 4.600 concedida para a mellora de camiños municipais; os 1.600 euros recibidos dentro do Pacto de Estado contra a Violencia de Xénero e os avances para a implantación da banda larga.
Así mesmo, con ambos os rexedores o subdelegado profundou no servizo de axuda no fogar, para o cal o Estado destinou 120.000 euros a Entrimo e 87.000 euros a Calvos de Randín. No entanto, Santos apuntou que “os concellos están a soportar un baixo financiamento por parte da Xunta de Galicia. O Estado achega en torno ao 51%, pero o Goberno autonómico ten a responsabilidade de aumentar a súa achega”.
Por último, en ambas as reunións tamén se fixo repaso dos traballos de mellora levados a cabo pola Confederación Hidrográfica Miño-Sil para a renovación do saneamento e abastecemento, cun investimento de máis de 800.000 euros en Entrimo e 250.000 euros en Calvos de Randín.