La subdelegada do Goberno nA Coruña, María Rivas mantivo hoxe un encontro de traballo na Subdelegación co alcalde de Culleredo, José Ramón Rioboo; o director do aeroporto de Alvedro, Joan Ibáñez; o xefe da Demarcación de Estradas en Galicia, Anxo González do Río, e a directora da área de Fomento da Delegación do Goberno, Ana Quintairos, para analizar os posibles usos comerciais e de servizos da parcela do antigo aparcadoiro provisional de Aena no aeroporto da Coruña, xunto a N-550.
La subdelegada informou de que estes terreos, 20.000 metros cadrados que se habilitaron como aparcadoiro provisional para facilitar a construción do actual aparcadoiro do aeroporto coruñés, levaban sen actividade desde 2010. “Do que se trata e de poder darlles un novo uso e facer ademais xerando novos servizos e oportunidades de emprego na comarca”, indicou Rivas.
No encontro, ademais de coñecer os posibles usos, que incluirían unha zona comercial, un aparcadoiro e servizos asociados, tratouse a cuestión dos accesos á parcela, xa que os plans de Aena afectan a un proxecto que o Goberno acordara co Concello de Culleredo para habilitar senllas peonís na contorna da N-550.
Con todo, a subdelegada apuntou que o proxecto para devolver a actividade aos terreos do aeroporto “aínda se atopa nunha fase inicial” e que os traballos agora céntranse en definir as posibles actuacións para garantir os futuros accesos “nas mellores condicións de seguridade, tanto para peóns como para vehículos”. Neste sentido, destacou o papel da Subdelegación do Goberno de face a coordinar os diferentes estudos e actuacións que permitan facer realidade este proxecto.