El subdelegado do Goberno en Pontevedra, Abel Losada, puxo en valor a aposta do Goberno de Pedro Sánchez polo reforzo da rede de coidados en Galicia, cun investimento estatal de 18.520.000 euros. Son fondos europeos do Plan de Recuperación transferidos á Xunta ao abeiro dun convenio asinado en 2021 co Ministerio de Dereitos Sociais, que permitirá a construción e mellora de 20 centros de maiores en concellos de menos de 20.000 habitantes en toda a Comunidade, incluíndo tres na provincia de Pontevedra: Dozón (1,5 millóns) para a construción dun fogar residencial, Crecente (500.000€) para a ampliación da residencia de maiores e Fornelos de Montes (1,08 millóns) para a construción dun fogar residencial e un centro de día.
El subdelegado incidiu en que Grazas á decisión política do Goberno de Pedro Sánchez, crearanse 500 novas prazas públicas de residencia e 150 de atención diúrna en Galicia, o que “supón un avance real na rede pública de atención ás persoas maiores, un defecto histórico da Xunta que non foi capaz de solucionar no exercicio das súas competencias exclusivas en materia de política social”.
El subdelegado desprazouse ao concello de Fornelos de Montes, onde visitou xunto con o alcalde, Emiliano Lage, e varios concelleiros, as antigas vivendas de mestres que acollerán a nova residencia. Contará con 12 prazas de atención a maiores, das que un 25% estarán destinadas a grandes dependentes.
Durante a visita, Losada lamentou que a Xunta continúe ocultando a orixe destes fondos, sen recoñecer que son transferencias directas do Goberno de España. “Unha vez máis a Xunta de Galicia recorre á estratexia da camuflaxe e, en lugar de recoñecer a decisión política do Goberno de transferir estes recursos a Galicia para corrixir a insuficiencia crónica de recursos na rede pública de atención á terceira idade, dedícase a enganar asegurando que sufraga o 100% das obras ou, no mellor dos casos, dilúeas baixo a ambigua etiqueta de “fondos europeos” como se fose un diñeiro que cae do ceo”, indicou.
Losada lembrou que o convenio co Ministerio de Dereitos Sociais obrigaba á Xunta a garantir a participación das entidades locais mediante instrumentos de colaboración acomodados, algo que se concretou no acordo marco asinado coa FEGAMP o 1 de marzo de 2022. Con todo, a Xunta está a xestionar os fondos con atraso e, ademais, fai un uso propagandístico deles, apropiándose da súa autoría mesmo nas notas de prensa oficiais. Ademais, o subdelegado asegurou que o deber de repartir os fondos entre concellos evitou a habitual tendencia da Xunta a favorecer só a municipios gobernados polo PP, permitindo que concellos como Fornelos accedesen a estes recursos.
Abel Losada destaca a aposta do Goberno polo reforzo da rede de coidados en Galicia con 18,5 M€ para construír 20 residencias e crear 650 prazas
14/02/2025
La provincia de Pontevedra recibe máis de 3 millóns para construír e mellorar centros de maiores en Fornelos, Dozón e Creciente Losada lamenta que a Xunta “recorra novamente á estratexia da camuflaxe asegurando que sufraga o 100% das obras e ocultando a orixe dos fondos” Visita as vivendas que acollerán a futura residencia de Fornelos e incide en que “grazas á decisión política do Goberno de España vaise a corrixir a insuficiencia crónica de recursos na rede pública de atención á terceira idade”