El delegado do Goberno en Galicia, Pedro Blanco, recoñeceu esta tarde o papel das empresas no fortalecemento do Estado do Benestar e reiterou que o Goberno de España é o principal aliado do tecido empresarial neste proceso grazas á aposta pola colaboración público-privada e os fondos do Plan de Recuperación.
Pedro Blanco sinalou que Galicia xa ten recibidos 3.500 millóns de euros de fondos deste Plan, que se están materializando en colaboración co resto de Administracións e nos que son protagonistas indiscutibles as empresas: “8 de cada 10 euros deste Plan do Goberno van destinados ás empresas galegas, de todos os tamaños e sectores, para acometer os seus proxectos e plans de crecemento”.
Pedro Blanco fixo esta reflexión no acto de inauguración do ‘Club Cámara Noroeste’, a nova sede social da Cámara de Comercio da Coruña, ao que asistiu acompañado pola subdelegada do Goberno nA Coruña, María Rivas.
Allí tendeu a man a empresarios e empresarias para profundar na colaboración público-privada para afianzar “o bo momento económico que atravesa España, con mellores empregos e de calidade” e seguir “impulsando iniciativas que favorezan o crecemento de Galicia”.
‘Club Cámara Noroeste’
El delegado felicitou á directiva da Cámara de Comercio da Coruña pola nova sede social, da que dixo que “nace para ser a mellor imaxe do tecido empresarial desta cidade”.
Diante dun amplo grupo de empresarios e empresarias, Pedro Blanco recoñeceu o carácter “valente, emprendedor e constante” do tecido empresarial da Coruña, e o seu traballo e determinación para “mellorar a calidade de vida da cidade”.