El delegado do Goberno en Galicia, Pedro Blanco, celebrou hoxe as medidas anunciadas polo presidente do Goberno, Pedro Sánchez, para seguir impulsando o acceso á vivenda en Galicia, unha materia na que o Goberno xa transferiu 526 millóns de euros á Xunta nos últimos anos. “Un Goberno que traballa como ningún outro para dar solución ao problema da vivenda no noso país”, destacou.
En esta liña, o delegado puxo en valor o esforzo do Goberno, aínda que a competencia é das Comunidades Autónomas, destinando axudas para o aluguer, para a adquisición de vivenda no rural, para nova vivenda de aluguer social, avais para a compra e construción ou axudas para que os mozos e mozas póidanse independizar, entre outras. “Apostamos por un modelo público que achegue á cidadanía máis vivenda, mellor regulación e máis axudas e exencións fiscais”.
Pedro Blanco indicou que nos últimos anos, o Goberno multiplicou por oito o investimento público en vivenda e aprobou numerosas medidas, moitas delas sen precedentes no noso país. Tamén especificou que os 526 millóns de euros que chegan a Galicia, son transferencias que o Goberno fai á Xunta, xa que a vivenda é unha competencia autonómica, co obxectivo de construír 1.406 vivendas públicas en Galicia (1.142 son vivendas novas destinadas a aluguer social) e rehabilitar máis de 18.000.
Pedro Blanco indicou que en outubro de 2024, o Ministerio de Vivenda e Agenda Urbana xa transferira á Xunta o 90% do importe total comprometido (472 millóns de euros), polo que pediu transparencia e axilidade ao Goberno galego para executar eses fondos financiados en parte polo Plan de Recuperación do Goberno.
Do mesmo xeito, convidou á Xunta a complementar con fondos propios axudas como o Bono Aluguer Xove, do que quedaron sen gozar moitos mozos e mozas galegos porque o Executivo autonómico deixou de financialo unha vez esgotouse a achega do Goberno de España.
Como conclusión, o delegado do Goberno subliñou que a política do Goberno en materia de vivenda aposta pola participación do Estado, pola colaboración público-privada, pola innovación, e por unha regulación xusta que poña límites aos pisos turísticos e aos abusos dos fondos e os grandes propietarios.