Nigrán, 8 de xaneiro de 2025.- O subdelegado do Goberno en Pontevedra, Abel Losada, visitou o faro de Caniño, que vén de ser restaurado polo Concello de Nigrán para destinalo a usos recreativos en beneficio da veciñanza. Na visita, na que estivo acompañado polo alcalde Juan González, e por membros do goberno local, aplaudiu o talento do Concello de Nigrán e do rexedor para captar fondos europeos que permitiron a recuperación do bloque do andar baixo desta infraestrutura marítima.
O faro, que xa non presta servizo á navegación, foi recuperado despois dunha completa rehabilitación integral orzamentada en 237.662 euros a partir dunha subvención de 132.730 euros do Ministerio de Transportes do Plan de Rehabilitación de Edificios Públicos (PIREP local) encadradas dentro do Plan de Recuperación, Transformación e Resiliencia do Goberno de España (PRTR).
Se dotou dun pavimento continuo de formigón puído sobre illante. Instaláronse tabiquerías, carpintarías interiores e exteriores e renováronse todas a instalación interiores e exteriores. A cuberta plana tamén foi substituída por unha cuberta vexetal nun dos tramos. Así mesmo, a sala interior rehabilitada está presidida pola decoración dun mural circular obra do artista vigués Ramón Trigo.
A partir de agora, o Faro de Caniño acollerá actividades de lecer dirixidas á veciñanza durante todo o ano. Será un espazo inclusivo e accesible para todas as idades cunha gran sala multifuncional para acoller a maiores e mozos e tamén poderá acoller reunións de asociacións e actividades como a escola de pintura. Para todo o es elaborarase un calendario, segundo explicou o alcalde.
Por outra banda, o subdelegado do Goberno destacou o talento do Concello de Nigrán para lograr da Tesouraría Xeral da Seguridade Social a adscrición do inmoble do antigo centro de saúde desta localidade ao Concello con vistas á habilitación dun centro sociocomunitario para os maiores no andar baixo e a sede de Protección Civil no primeiro andar. “Temos outros exemplos de concellos que, incomprensiblemente, buscan fomentar unha confrontación absurda coa Seguridade Social e o resultado é que non conseguen o que o Concello de Nigrán logrou en moi pouco tempo”, afirmou.