O delegado do Goberno en Galicia, Pedro Blanco, destacou o compromiso do Goberno de España coa conservación e posta en valor do patrimonio histórico de Galicia, no que suma un investimento de 13 millóns de euros a través do Programa 2% Cultural. Este plan execútano os ministerios de Vivenda e Agenda Urbana e o de Transportes e Movilidad Sostenible.
“O impacto do Programa 2% Cultural en Galicia mostra o interese do Goberno pola recuperación do patrimonio galego”, apuntou Pedro Blanco, quen destacou a importancia desta iniciativa máis aló dos propios conxuntos monumentais, “pois xera actividade económica e emprego tanto en espazos urbanos como rurais, profundando no compromiso cos pequenos concellos deste Goberno e fomentando un turismo sustentable e de calidade”.
Galicia contaba ata o momento con dez proxectos beneficiados polo Programa 2% Cultural, con preto de 8 millóns de euros, aos que se sumaron este decembro catro máis por 4,9 millóns. Corresponden á restauración da cuberta e a rehabilitación integral da Torre dos Andrade, en Pontedeume (273.386,75 euros); da Torre do Reloxo da Catedral de Santiago (1.841.817,15 euros); do xardín botánico e da carballeira de Caldas de Reis (569.562,34 euros) e á proposta para a creación dun arquivo histórico catedralicio e diocesano en Tui, precisamente no 800 aniversario da consagración do templo.
Tui, que xa obtivo fondos desta iniciativa (600.000 euros) para o musealización do seu conxunto catedralicio na convocatoria anterior, beneficiase de novo do investimento do Goberno, do mesmo xeito que o fai Santiago de Compostela, onde o Programa 2% Cultural destinou tamén na resolución pasada un total de 1,15 millóns para o Mosteiro de San Martiño Pinario.
Programa 2% Cultural
O Programa 2% Cultural é unha das ferramentas do Goberno para garantir a conservación do patrimonio histórico, cultural e artístico. O desenvolvemento do Programa 2% Cultural propón un modelo de actuación de amplo contido social, en base aos seguintes criterios:
- El soporte económico fundamental proveen de la ejecución de la obra pública.
- Se recupera o patrimonio, respectando o legado recibido e propiciando o sentimento de pertenza e o orgullo polo propio.
- Se fomenta o uso público favorecendo o achegamento social ao patrimonio.
- Se xera emprego e riqueza nos ámbitos en que se sitúan os elementos patrimoniais recuperados.
- Se contribúe ao obxectivo xeral de xerar turismo de calidade.
Desde a posta en funcionamento do Programa 2% Cultural aprobáronse 1.237 solicitudes en proxectos de toda España que totalizan un orzamento de execución de 1.177 millóns de euros, sendo a axuda achegada polo Programa 2% Cultural de 756 millóns de euros (13 en Galicia), o que vén ser un 64% do importe de execución