El delegado do Goberno en Galicia, Pedro Blanco, puxo en valor a homenaxe da cidadanía ourensá á Policía Nacional ao dedicarlle o nome da glorieta anexa á comisaría da cidade. O delegado presidiu esta mañá a inauguración, na que estivo acompañado polo alcalde de Ourense, Gonzalo Pérez Jácome; o xefe superior da Policía de Galicia, Pedro Pacheco; o comisario provincial de Ourense, Cástor Vázquez, e o subdelegado do Goberno en Ourense, Eladio Santos.
Pedro Blanco agradeceu aos veciños e veciñas de Ourense e ao seu Concello a sensibilidade mostrada ao aprobar esta proposta, que honra ao corpo da Policía e a todas e todos os seus axentes. “Non se me ocorre mellor maneira de finalizar este 2024, onde a Policía Nacional desta cidade cumpre un dobre aniversario: o dos 40 anos da súa comisaría e o bicentenario da súa creación”, manifestou o delegado.
“Esta homenaxe logra que Ourense estea un pouco máis preto dos homes e mulleres que forman a Policía e que protexen esta cidade”, subliñou Pedro Blanco, quen destacou o feito de que Ourense se converta, co nomeamento desta glorieta, coñecida ata agora como “a das pirámides”, no primeiro concello galego en contar co nome da Policía na súa guía de rúas, “pasando a formar parte da historia desta Comisaría e da Policía Nacional en Galicia”.
Pedro Blanco pon en valor a homenaxe da cidadanía ourensá á Policía Nacional ao incorporar o seu nome na guía de rúas da cidade
19/12/2024
El delegado agradeceu ao Concello de Ourense e á cidadanía a sensibilidade mostrada ao desenvolver esta proposta Lembrou a importancia deste 2024 para a Policía Nacional na cidade, polo bicentenario do corpo e polo 40 aniversario da súa comisaría Ourense convértese na primeira cidade ou vila galega en homenaxear á Policía co nome dalgunha das súas rúas ou prazas