Caldas de Reis, 16 de decembro de 2024.- El subdelegado do Goberno en Pontevedra, Abel Losada, visitou hoxe Caldas de Reis para pór en valor a concesión ao Concello de 1.452.000 euros por parte do Ministerio de Industria, Comercio e Turismo para a recuperación da Carballeira e do Xardín Botánico, no marco do Programa de mellora da competitividade e dinamización do patrimonio histórico con uso turístico. Trátase dunha axuda financiada con fondos europeos Next Generation.
Losada visitou a carballeira acompañado do alcalde, Juan Manuel Rey, do tenente de alcalde, Jacobo Pérez, dos concelleiros, Manuel Fariña e Juan Carlos Ortigueira, así como do enxeñeiro agrónomo redactor do proxecto, Pedro Calaza. O subdelegado destacou que “estes fondos son un exemplo claro de como as axudas europeas continúan chegando a cada recuncho da provincia de Pontevedra, permitindo potenciar o turismo cultural, mediante proxectos de moi importante nivel, que conxugan a rehabilitación e a posta en valor do patrimonio histórico cun uso turístico claro”.
Las actuacións previstas inclúen a conservación, o mantemento e a rehabilitación do Carballeira e do Xardín Botánico, declarados Ben de Interese Cultural (BIC) desde 1962. Estes traballos teñen como obxectivo, non só preservar o rico patrimonio natural e histórico formado por este conxunto, deseñado a finais do século XIX, senón tamén incrementar o seu atractivo como destino turístico. “É, por tanto, unha mostra máis do compromiso do Goberno de Pedro Sánchez co turismo sustentable e a protección dos bens culturais e naturais da nosa provincia”, subliñou o subdelegado.
Para Abel Losada, “a combinación de actuacións como estas pon de manifesto a importancia dos fondos europeos, que chegan tamén para o desenvolvemento turístico e cultural de Pontevedra. Son investimentos que reforzan o noso potencial como destino de calidade e sustentabilidade”, afirmou Losada.
O subdelegado agradeceu o esforzo do Concello de Caldas de Reis e do seu alcalde na captación de fondos, destacando que se trata dunha axuda outorgada en concorrencia competitiva, o que demostra “o gran esforzo que hai detrás deste proxecto”. “O traballo conxunto entre administracións é clave para materializar estes proxectos que benefician a toda a sociedade”, destacou. En opinión de Losada son os fondos europeos que o Goberno adxudica directamente aos concellos os que contribúen ás transformacións máis efectivas do territorio e ás melloras máis significativas dos servizos públicos.
Polo seu lado, o alcalde, no día no que se cumpriron os seus 18 anos no cargo, destacou a importancia desta axuda do Ministerio para potenciar “un emblema de Caldas como é a Carballeira e o Xardín Botánico”. Nesta liña, destacou a capacidade transformadora desta actuación e a súa singularidade, “xa que se vai a traballar sobre un espazo protexido e son moi pouco os proxectos deste tipo que se levan a cabo sobre Bens de Interese Cultural e, particularmente os vinculados a parques e xardíns”.
Durante o acto de presentación da intervención plantáronse de modo simbólico tres exemplares de carballo.
Actuacións
O proxecto inclúe unha serie de actuacións para recuperar a riqueza botánica, mellorar o patrimonio, a funcionalidade e a estética do espazo. As principais intervencións son:
1. Actuacións previas: Eliminación de especies invasoras, vexetación en mal estado, elementos deteriorados (bancos, farois, pavimentos) e #desmonte de infraestruturas obsoletas como casetas, escenario e zona de xogos.
2. Supervisión arqueolóxica: Presenza dun arqueólogo para garantir a correcta execución en áreas con elementos patrimoniais.
3. Traballos de albanelaría: Limpeza, reparación de muros, bordos, bancadas, asentos e pavimentos, ademais de restauración de estruturas como a caseta de pesas.
4. Adecuación de instalacións: Melloras en redes de rega e saneamento, instalación de bocas de rega e puntos de luz homoxéneos.
5. Pavimentaciones: Restauración de camiños existentes e creación dun camiño con deseño de pedras de muíño de granito.
6. Xardinaría: Achega de terra, análises edafolóxicas, retirada de vexetación en mal estado e recolocación de especies segundo corresponda.
La proposta céntrase na restauración dos xardíns históricos, priorizando a arquitectura da paisaxe para mellorar a calidade da contorna e a súa integración visual. Respéctarase o contexto patrimonial, o vínculo co Camino de Santiago e os elementos históricos, seguindo criterios de intervención delicada e respectuosa.
Non se expoñen accións con impacto negativo, senón que se busca enriquecer a área, preservar o río Umia e potenciar a percepción sensorial do espazo. Esta intervención alíñarase coas Cartas de Florencia e Cracovia, consolidando o seu valor cultural, patrimonial, natural e social, converténdose nun reclamo mediático e cultural.
Castelo de Soutomaior
Ademais da axuda ao Concello de Caldas de Reis, o subdelegado tamén destacou outro importante investimento na provincia con cargo ao mesmo programa: a Deputación de Pontevedra recibirá 2.514.122 euros para a mellora patrimonial do Castelo de Soutomaior. Este proxecto, que foi presentado polo anterior Goberno provincial, inclúe a mellora da iluminación, a accesibilidade e a incorporación de tecnoloxías de realidade virtual para enriquecer a experiencia dos visitantes.