La subdelegada do Goberno nA Coruña, María Rivas, felicitou á biblioteca municipal de San Sadurniño polo traballo a favor da lectura realizado a través do seu programa de animación denominado “o poder da imaxinación”. Facer tras visitar este espazo acompañada do alcalde, Secundino García, e xunto á bibliotecaria, Anabel Gavín Merlán.
Esta biblioteca de San Sadurniño vén de lograr o premio María Moliner de animación á lectura outorgado polo Ministerio de Cultura. Este concurso nacional, que organiza anualmente o Ministerio en colaboración coa Federación Española de Municipios e Provincias busca recoñecer o traballo de 370 bibliotecas pertencentes a municipios de menos de 50.000 habitantes que leven a cabo proxectos salientables que inclúan accións de animación á lectura, de eficiencia e labor bibliotecaria. integración social e uso de novas tecnoloxías. Cada un dos galardóns está dotado de 2.777,77 euros que deberan dedicarse á compra de novos libros ou publicacións para a biblioteca.
La subdelegada sinalou a importancia de apostar por este tipo de iniciativas, xa que os programas de animación á lectura abren portas á imaxinación, posibilitan a adquisición de información a través de fontes diversas o que reforza as capacidades para conformar unha opinión crítica, ademais de ser un elemento fundamental para a promoción da cultura e o desenvolvemento persoal de todas e todos.
Do mesmo xeito puxo en valor o traballo que se fai desde as bibliotecas municipais, especialmente nos pequenos concellos como este de San Sadurniño, xa que son un espazo de socialización da veciñanza, en moitas ocasións un espazo de convivencia interxeneracional, e tamén, un espazo de lecer onde a promoción da cultura e do coñecemento son a base do traballo diario.
La subdelegada do Goberno felicitou ao equipo responsable da biblioteca municipal polo traballo desenvolvido e destacou que o Goberno destina a este programa algo máis dun millón de euros.
“Este programa ten unha gran importancia estratéxica, xa que aproximadamente a metade da poboación española reside en municipios de menos de 50.000 habitantes, polo que a iniciativa ten un gran alcance no conxunto territorio” sinalou María Rivas que tamén lembrou que na provincia da Coruña son 85 os concellos que compren os requisitos da convocatoria en canto á poboación e a contar con biblioteca municipal.
A subdelegada lembrou que esta biblioteca xa obtivo no pasado dous recoñocementos do Ministerio de Cultura polo labor levado a cabo. O primeiro premio foi grazas o proxecto “Un paso mais” na campaña de dinamización lectora do ano 2003, e o segundo nos premios María Moliner no ano 2012 co proxecto: "Lendo en San Sadurniño", o que sen dúbida pon de manifesto a implicación e o bo traballo deste centro municipal.
María Rivas destacou que, ademais da biblioteca de San Sadurniño, outras seis bibliotecas da provincia Ares, Mañón, Miño, Oleiros, Ortigueira e Pontedeume, foron premiadas na última edición dos premios María Moliner.