Cambados, 10 de decembro de 2024.- El subdelegado do Goberno en Pontevedra, Abel Losada, visitou hoxe o Parador de Cambados para supervisar o inicio das actuacións de mellora e renovación que o Goberno de España, a través do Ministerio de Industria e Turismo acomete no edificio. Trátase dun investimento próximo aos 700.000 euros que permitirá a substitución integral das carpintarías exteriores dunhas 200 xanelas e a renovación do mobiliario e do tapizado da cafetaría. Paralelamente, executaranse obras de acondicionamento do pavimento do aparcadoiro exterior, onde se instalarán catro puntos de recarga para coches eléctricos.
Acompañado polo alcalde de Cambados, Samuel Lago, e pola directora do Parador, Meritxell Marcos, o subdelegado enmarcou estas actuacións “na aposta decidida do Goberno polo turismo da provincia de Pontevedra”. “Son unhas obras moi demandadas e fundamentais, porque supoñen unha mellora substancial nas condicións dun aloxamento crave nun dos municipios máis turísticos de Galicia, o que permitirá seguir atraendo turismo, emprego e actividade económica a Cambados e á provincia”, explicou.
Losada puxo en valor o empeño do Goberno en avanzar cara a un modelo turístico sustentable e de maior calidade nun esforzo “sen precedentes” a través do que, lembrou, soamente á mellora da rede de Paradores na provincia destínanse case 10 millóns de euros. Así, aos 700.000 euros de investimento no aloxamento de Cambados, súmase a reforma do Parador de Pontevedra con 1,6 millóns, mentres que as intervencións no conxunto monumental do Parador de Baiona superarán os 7 millóns.
O alcalde, pola súa banda, valorou moi positivamente este proxecto “posto que suporá unha mellora moi importante para o “buque insignia” dos aloxamentos da nosa localidade e, por tanto, repercutirá moi positivamente na atracción de turismo durante todo o ano”.
La directora do Parador destacou a importancia de “manter e mellorar estas infraestruturas históricas, que son un recurso turístico e cultural fundamental para Galicia”. “Con esta intervención o Goberno reforza a súa misión de potenciar o turismo de calidade e ofrecer experiencias de calidade aos nosos visitantes mentres preserva e enriquece o patrimonio”, sinalou.
Datos de ocupación
Entre xaneiro e setembro de 2024, o Parador de Cambados mantivo a tónica ascendente da compañía. Neste período alcanzouse un índice de ocupación de en torno ao 72%, representando case 4 puntos máis de ocupación respecto do mesmo período do ano 2023. Estas cifras son moi positivas, considerando que abarcan un extenso período. Durante estes meses, o número de clientes aloxados no Parador de Cambados foi de máis de 10.000. Doutra banda, servíronse máis de 8.000 cubertos e o persoal supera as 33 persoas a tempo completo.
Ubicado no corazón das Rías Baixas, o Parador de Cambados ocupa o histórico Pazo de Bazán, un edificio emblemático que reflicte a arquitectura galega tradicional e está rodeado de xardíns e dunha contorna natural excepcional. Este Parador ofrece unha experiencia de aloxamento única e está estreitamente ligado á cultura, gastronomía e beleza da rexión, atraendo a turistas interesados en explorar o patrimonio e as paisaxes galegas.