La subdelegada de Goberno nA Coruña, María Rivas, e representantes do Ministerio de Transportes e Mobilidade Sustentable mantiveron hoxe unha reunión de coordinación coa Xunta de Galicia, o Concello de Ferrol, representantes veciñais, Navantia e empresas adxudicatarias para acordar as próximas restricións e as fases para proceder á apertura secuencial aos tránsitos peonís e rodados das obras de Humanización da Avenida dAs Pías, que executa o Ministerio de Transportes e Mobilidade Sustentable con cargo ao Plan de Recuperación, Transformación e Resiliencia (PRTR) financiado pola Unión Europea Next Generation da UE, con 11 millóns de euros de investimento.
Las fases acordadas entre as partes serán as seguintes:
- Actualmente, mantense cortada ao tráfico a FE-14, existindo un by-pass rodado para a conexión da rúa Nova de Caranza e a nova glorieta executada na FE-11 e un by-pass peonil na contorna da futura glorieta da rúa Nova de Caranza.
- Do 2 ao 20 de decembro de 2024 procederase á pavimentación da nova glorieta da rúa Nova de Caranza e conexións coas rúas adxacentes, o cal obrigará a pechar o actual by-pass rodado. O cruzamento peonil da FE-14 será reposto nas inmediacións da nova glorieta en execución, na posición definitiva dun dos pasos de cebra.
- O 20 de decembro de 2024 procederase á reapertura da rúa Nova de Caranza e á apertura temporal do tramo da nova FE-14 entre A Porta Nova e a FE-11, ao tráfico rodado durante o período do Nadal. Manterase o cruzamento peonil da FE-14 nas inmediacións da glorieta da rúa Nova de Caranza, con paso regulado mediante semáforos. Esta configuración manterase ata o 12 de xaneiro de 2025.
- O 13 de xaneiro de 2025 pecharase ao tráfico a FE-14, para finalizar os traballos de pavimentación, instalacións e remates. Nesa mesma data procederase ao corte ao tráfico da Avenida Marqués de Santa Cruz e a Avenida Salvador Allende Gosséns, para proceder á extensión da capa de rodaxe neste eixo e no tramo da FE-14 entre as 2 glorietas nas interseccións coa estrada da Trincheira FE-11 e a Avenida Marqués de Santa Cruz, así como aos traballos de reparación nesta última, aberta previamente como desvío provisional.
- A finais de febreiro de 2025, está prevista a reapertura completa peonil e rodada da Avenida Marqués de Santa Cruz e da FE-14, desde A Porta Nova ata a Avenida Marqués de Santa Cruz.
Lémbrase que os cidadáns teñen a disposición para calquera consulta relativa ás obras, a oficina de obra situada na rúa Venezuela, 1 Bajo, entre as 9:00 horas e as 20:00 horas de luns a venres. Tfnon: 981318684.
Disponen da caixa de correos ferrol@eptisa.com, no que os cidadáns poderán realizar unha reclamación, incidencia ou suxestión asociada coas obras de Humanización da FE-14.