La subdelegada do Goberno nA Coruña, María Rivas, participou hoxe no acto en memoria das vítimas de tráfico organizado polo Concello da Coruña con motivo do Día das Vítimas de Violencia Viaria, no que fixo un chamamento a todas as institucións implicadas na prevención de sinistros viarios ou na resposta ás secuelas dos mesmos “para que nos/nos xuntemos co obxectivo de redobrar os esforzos para mellorar na prevención, na formación e na planificación das nosas redes viarias”.
María Rivas expresou a importancia de celebrar homenaxes como esta, que brindan a oportunidade de rememorar e concienciar á sociedade sobre o perigo real nas estradas. “Aproximadamente 1,35 millóns de persoas perden a vida en accidentes de tráfico no mundo cada ano, o que supón que diariamente falecen 3.700 persoas, e a maioría son vítimas vulnerables, como peóns, motoristas e ciclistas”, sinalou a subdelegada.
En este sentido, subliñou que o goberno está a redobrar os esforzos na mellorar na prevención, traballando de maneira constante con campañas informativas e de vixilancia a través da DXT”. Do mesmo xeito, puxo en valor as campañas de formación en educación viaria que se levan a cabo a través do Plan Director, dirixido a nenos e nenas as idades temperás e que chegan ao 93% dos centros educativos da provincia. Tamén sinalou o traballo que se está desenvolvendo na planificación das redes viarias, onde os investimentos en seguridade e mellora dos elementos de sinalización son constantes.
“Non podemos permitir que se sigan perdendo vidas nas estradas, porque esas vidas que se perden causan danos tamén nas persoas que quedan. Por iso non imos parar de chamar a atención sobre a violencia viaria, porque a única cifra de vítimas que debemos tolerar é cero”, abundou Rivas, que lembrou que o pasado ano perderon a vida 88 persoas en accidentes de tráfico en Galicia, 27 na provincia da Coruña, sinistros que deixaron tamén a máis de 4.000 persoas gravemente feridas.
A subdelegada aproveitou para trasladar o seu apoio e o do Goberno ás asociacións de vítimas, das que destacou o seu “incansable traballo, imprescindible para cubrir a continua e necesario labor de concienciación, prevención e sobre todo de apoio ás vítimas e as súas familias”.
O acto convocado polo Concello da Coruña, contou coas intervencións da concelleira de Infraestruturas e Mobilidade, Noemí Díaz Vázquez, e da presidenta da asociación Stop Accidentes, Jeanne Piccard, que deu lectura a un manifesto. Ademais, as persoas asistentes realizaron un minuto de silencio, que finalizou cunha ofrenda floral en memoria das vítimas de tráfico.
O Día das Vítimas de Violencia Viaria, nace dun acordo de Nacións Unidas en outubro de 2005 para que cada terceiro domingo de novembro o conxunto da sociedade homenaxee e tome conciencia dos millóns de persoas falecidas nas estradas.