El subdelegado do Goberno en Ourense, Eladio Santos, e o alcalde do Concello de Ourense, Gonzalo Pérez Jácome, copresidieron esta mañá a reunión da Xunta Local de Seguridade na que se analizaron os dispositivos de seguridade necesarios de face á Carreira Popular de San Martiño e as próximas festas de Nadal, a situación da cidade no que vai de ano en materia de seguridade cidadá, os datos de violencia de xénero e o Plan Director.
En materia de violencia de xénero, a xefa da Unidade de Violencia Contra a Muller da Subdelegación do Goberno, Alida Iglesias, detallou os datos actuais, con 568 casos activos na provincia, 199 deles no Concello de Ourense; así como os referentes a vítimas mortais, con 39 contabilizadas en España en 2024, tres delas galegas.
En canto ao Plan Director para a Convivencia e Mellora da Seguridade nos Centros Educativos e nas súas contornas, o subdelegado do Goberno destacou o principal obxectivo do mesmo para “mellorar a seguridade mediante a prevención, antes de que sucedan os delitos, condutas violentas, acoso, ciberacoso, etc. Incluíndo tamén actividades que buscan concienciar no ámbito escolar sobre a violencia de xénero”.
Pola súa banda, o inspector xefe de Participación Cidadá da Policía Nacional, José Antonio Armero, detallou que neste curso académico realizáronse 23 charlas dentro deste proxecto, co fin de incrementar este ano/este ano as referidas a violencia de xénero, adiccións e consumo de alcol e drogas. En canto á situación da seguridade cidadá na capital durante este 2024, o inspector xefe da Brigada de Seguridade Cidadá da Policía Nacional, José Manuel Barbero, destacou a redución nun 4,21% do total de infraccións, cun notable incremento no esclarecemento dos feitos. Por tipos de delitos, hai que sinalar o aumento nun 3% dos labores contra as persoas e un 5% os relacionados coa violencia de xénero. Tamén se incrementaron nun 6% os delitos contra a liberdade sexual, conseguindo un 92% de esclarecemento deste tipo de casos. Pola súa banda, baixaron un 7% os de lesións, grazas á colaboración de Policía Nacional, Local e Autonómica.
Carreira Popular de San Martiño e Nadal
Nesta xunta tamén se abordou o reforzo en efectivos que necesita o Concello de Ourense para a carreira popular de San Martiño, que se celebra este domingo 10 de novembro, debido ás diferenzas que arrastra nas últimas datas coa Policía Local ourensá. Así, o alcalde, Gonzalo Pérez Jácome, solicitou a colaboración da Garda Civil para complementar aos axentes locais que traballarán nesa xornada. Neste sentido, o subdelegado asegurou que “os operativos de Policía Nacional que colaborarán son os habituais para reforzar este tipo de eventos. Pola súa banda, en principio, a Garda Civil non ten competencia de tráfico na cidade. Ao ter coñecemento desta necesidade de auxilio hoxe non podemos garantir este pedimento porque son aspectos que hai que planificar e organizar o operativo con antelación. No entanto, estou seguro de que se fose necesaria a actuación da Garda Civil, existe unha total colaboración entre forzas de seguridade e, se a Policía Local chegar a solicitar, actuarían”.
Na mesma liña da seguridade ante actividades multitudinarias, tratáronse as medidas que se porán en marcha nas próximas festas do Nadal. Pola súa banda, a Policía Nacional adiantou que realizará controis para evitar furtos, estafas ou botellóns, e levará a cabo unha campaña de difusión de medidas de prevención para que os cidadáns apliquen cando deixen as súas vivendas baleiras con motivo das vacacións.
Junto a subdelegado e alcalde, na Xunta Local de Seguridade estiveron presentes o delegado territorial da Xunta en Ourense, Manuel Pardo; a xefa e o inspector da Policía Local, María Barrera e Baldomero Rubio; o inspectores xefe da Brigada de Seguridade Cidadá e de Participación Cidadá da Policía Nacional, José Manuel Barbero e José Antonio Armero; o xefe da Policía Autonómica, Breográn Rivo; a presidenta da A.V. Ourense Centro, Patricia Santamaría; a xerente do Centro Comercial Aberto Ourense Centro, Lorena Tato; e o presidente da Asociación de Propietarios de Predios Urbanos, Pedro Seara.