La subdelegada do Goberno nA Coruña, María Rivas, visitou hoxe o concello de Dodro para entregar a “Maleta Viajera contra a Violencia de Xénero” (MAVI). Esta iniciativa, ten como obxectivo fomentar a igualdade e concienciar sobre a necesidade de seguir avanzando na loita contra a violencia machista, e con esta parada en Dodro percorreu xa 12 municipios e entidades da provincia da Coruña.
La subdelegada, foi recibida nas instalacións da Biblioteca Municipal polo alcalde de Dodro, Xabier Castro, a quen agradeceu a acollida. La subdelegada sinalou na presentación da maleta o carácter municipalista desta iniciativa, resaltando que é fundamental a colaboración e implicación dos concellos para o éxito da mesma. “Son os concellos, especialmente nas zonas rurais, os que poden organizar actividades de animación á lectura para pór a disposición das veciñas e veciños os libros que cada maleta incorpora, á vez que os utilizan para concienciar sobre o valor da igualdade” sinalou Rivas.
También acompañaron á subdelegada e ao rexedor municipal o concelleiro de Cultura, a responsables da biblioteca municipal e a animadora sociocultural, así como veciños e veciñas usuarias do club de lectura, e que lle trasladaron a subdelegada o programa de actividades que van realizar coa MAVI nos tres meses que permanecerá neste concello.
Rivas indicou que son 5 os obxectivos desta campaña: achegar á veciñanza a lectura sobre temas de feminismo, violencia sobre a muller, empoderamiento ou autoestima, etc.; favorecer o pensamento crítico ante os roles e estereotipos de xénero; favorecer a lectura como ferramenta para a igualdade; sensibilizar en materia de violencia de xénero; e favorecer a lectura de textos escritos por mulleres, de forma que a sociedade teña referentes femininos no ámbito da cultura.
La maleta permanecerá en Dodro ata dentro de tres meses, e contén un total de 14 títulos. Así hai 5 títulos de lectura infanto-xuvenil como por exemplo “Hai algo máis aburrido que ser unha princesa rosa” de Raquel Díaz Regueira, ou “Contos para as boas noites para nenas rebeldes” de Elena Favilli e Francesca Cavallo. Tamén contén 9 libros para persoas adultas como por exemplo ‘Mentiras para ser unha muller de verdade. Manual para principiantes’ de Rocío Salazar e ‘Aqueles días en que eramos malas’ de Inma López Silva.
La última incorporación á MAVI é unha colección de debuxos cedidos por Rosa de Cabanas que leva por título “Mulleres Valentes”, que representa a mulleres coñecidas pero tamén anónimas, cada unha co seu valor na sociedade do momento, mulleres referentes escritoras, pintoras, científicas, arquitectas, escultoras, costureiras, mestras, activistas en moitas ocasións silenciadas pola historia.
Cada maleta consta dun diario no que as persoas lectoras que así o desexen, poden reflexar a súa experiencia a través de comentarios ou suxestións. O obxectivo que se persegue é que contribúan a enriquecer a iniciativa que pretende ser dinámica e mellorar ao longo do seu percorrido.
“A maleta viaxeira é unha pequena contribución para ofrecer ás veciñas e veciños de Dodro información e formación en materia de igualdade e así traballar activamente para conseguir unha sociedade máis xusta e igualitaria” expresou Rivas. Neste sentido a subdelegada fixo referencia á última campaña do Ministerio de Igualdade que a través da pregunta “Vas facer algo?” implícanos a toda a sociedade en tomar partido, a situarnos á beira das vítimas, e contribuír ao cambio necesario para conseguir esa sociedade máis igualitaria e onde o machismo e a violencia de xénero non teñan cabida.
A subdelegada lembrou que temos que apostar e traballar desde todos os ámbitos por educar e concienciar para que non se sigan sumando máis vítimas de violencia de xénero”, polo que MAVI é “unha ferramenta esencial para conseguir unha sociedade máis igualitaria, máis xusta e libre de violencias machistas”.
Recorrido
Desde os seus inicios en outubro de 2022, a maleta viaxeira contra a violencia de xénero percorreu xa 11 concellos da provincia da Coruña, visitando as súas bibliotecas municipais e as dos centros escolares, casas de acollida ou asociacións vítimas de violencia de xénero co obxectivo de favorecer a reflexión sobre a igualdade.
MAVI comezou a súa andaina para a igualdade no concello de Vimianzo, de alí continuou ata Cedeira, Mañón, Melide, Centro de Inserción Social Carmela Arias Díaz de Rábago da Coruña, Cee, A Baña, Val do Dubra, Santa Comba, Carballo e Boqueixón.
A Maleta Viaxeira continuará a súa viaxe pola igualdade polos concellos e entidades da provincia que así o soliciten.