El subdelegado do Goberno en Ourense, Eladio Santos, reuniuse esta mañá con José Ramón González, Félix Porto e Carlos Basalo, responsables de Unións Agrarias, para abordar a evolución da enfermidade hemorrágica epizoótica (EHE) na provincia.
Después de que Medio Rural informase esta semana de que aumentaban a dez as comarcas galegas afectadas por esta praga, Eladio Santos manifestou a súa preocupación persoal, do mesmo xeito que a do Goberno de España, polo sector gandeiro, que é chave e está a sufrir importantes perdas económicas.
O subdelegado lembrou que son as comunidades autónomas, no caso de Galicia a través da Consellería de Medio Rural, as competentes en materia de gandaría e, por tanto, é a Xunta, en primeira instancia, a responsable de activar axudas ao sector.
La evolución da enfermidade desde 2022, data do seu inicio en España, está a ser a previsible, polo que as autonomías poden tomar as medidas que consideran oportunas en materia de prevención ou axudas financeiras para medicamentos ou tratamentos.
Pola súa banda, o Ministerio de Agricultura, Pesca e Alimentación está a actuar como axente de ligazón e coordinación entre as comunidades e, cumprindo co compromiso manifestado o pasado mes de maio durante o Foro de Gandaría Extensiva celebrado en Toledo, o Goberno de España ten preparado, á espera dos trámites parlamentarios definitivos, un Real Decreto para complementar as axudas aos gandeiros, compatibles coas que achegue a administración rexional, europea e local. O cal terá carácter retroactivo para facilitar as liñas de apoio que articulen as autonomías.
Asimismo, Santos lembrou o compromiso do Ministerio para desenvolver unha vacina, que xa está dispoñible, e a posta a disposición das comunidades do laboratorio Central de Veterinaria de Algete, para colaborar cos laboratorios autonómicos.