El delegado do Goberno en Galicia, Pedro Blanco, animou hoxe ás asociacións, fundacións e demais entidades sen ánimo de lucro da comunidade a solicitar as axudas que vén de convocar o Ministerio de Política Territorial e Memoria Democrática para actividades relacionadas coa restitución da memoria das vítimas da Guerra Civil e a Ditadura.
Pedro Blanco explicou que esta liña de axudas, publicada hoxe o Boletín Oficial do Estado (BOE), conta cun orzamento de 895.000 euros, está dirixida a asociacións, fundacións e demais entidades privadas sen ánimo de lucro, así como ás universidades e organismos públicos de investigación que teñan incorporados, entre os seus obxectivos ou actividades, os relacionados coa recuperación da Memoria Democrática e o recoñecemento das vítimas da Guerra Civil e da Ditadura.
En concreto, poderanse solicitar ata 12.000 euros para a realización de estudos e #investigación relativas á recuperación da Memoria Democrática, así como ao recoñecemento moral das vítimas da Guerra Civil e da Ditadura; ata 10.000 euros para actividades de recompilación, conservación, estudo e difusión do patrimonio documental escrito, oral, audiovisual (fotografías, carteis, gravacións sonoras, películas...) ou intelectual (manifestacións artísticas, musicais, literarias...) da Guerra Civil e/ou da Ditadura, e ata 5.000 euros para publicacións ou a organización de cursos, xornadas, conferencias, exposicións e demais eventos de tipo científico e/ou divulgativo sobre a Memoria Democrática.
El prazo de solicitudes é de 15 días a contar a partir do día seguinte da súa publicación no Boletín Oficial do Estado (BOE)
O delegado do Goberno insistiu na importancia de loitar contra o esquecemento histórico. “Só aprendendo do noso pasado podemos evitar repetilo”, indicou. Na mesma liña, destacou que este tipo de actuacións constitúen “un acto de reparación da xustiza e dignidade de todas as vítimas do franquismo, así como das súas familias” e son “un símbolo da liberdade e valores democráticos que defende o noso Goberno” a través de accións como a aprobación da ‘Lei da Memoria Democrática’ hai máis dun ano.
Pedro Blanco lembrou que desde o ano 2020 ata hoxe, a Secretaría de Estado de Memoria Democrática financiou actividades por máis de 435.000 euros en Galicia, case un 50% a través da Xunta nas Conferencias Sectoriais, “o que supón unha media de 103.000 euros ao ano para investigacións, publicacións e exhumacións, diñeiro que dan conta do compromiso deste Goberno coa restitución da memoria das vítimas do franquismo e a ditadura”.