La subdelegada do Goberno en Lugo, Isabel Rodríguez, destacou esta mañá o importante papel que xogan os concellos para facer fronte á violencia machista durante o transcurso da Xunta Local de Seguridade de Monforte, confirmando que a nova transferencia de fondos do Pacto de Estado contra a violencia de xénero deixa na provincia de Lugo 240.979,19 euros. Copresidió esta reunión xunto con o alcalde, José Tomé Roca, coa presenza de membros da Policía Nacional, Autonómica, Garda Civil, Subsector de Tráfico e Policía Local.
Isabel Rodríguez puxo de exemplo ao concello de Monforte, que recibe nesta última convocatoria 11.398,50 euros, “facendo un bo aproveitamento destes recursos para desenvolver campañas de concienciación e políticas públicas que poden ter unha maior efectividade e impacto ao ser promovidas desde os concellos, as administracións que están máis preto das veciñas e veciños”. Do mesmo xeito, remarcou a necesidade de cooperar entre administracións para mellorar a resposta institucional, así como a colaboración entre as forzas e corpos de seguridade para garantir a asistencia e protección ás mulleres vítimas deste tipo de violencia.
En este caso, a subdelegada felicitou ao rexedor polas actividades desenvolvidas con cargo a estes fondos na anterior convocatoria, “pondo en marcha distintos puntos violetas con material divulgativo, realizando talleres educativos para prevención das violencias dixitais e sexuais, ou impartindo formacións para identificar os sinais en relacións asentadas sobre a desigualdade entre mozos e mozas”. Ademais, a Policía Nacional leva desenvolvidas preto de 30 charlas en centros de ensino da localidade nos/nos últimos dous cursos dentro do Plan Director.
Isabel Rodríguez aproveitou este espazo para convidar os municipios beneficiarios a destinar estes fondos á erradicación da violencia machista no marco das súas competencias, “desenvolvendo campañas de sensibilización, mellorando os servizos de atención e información, ou mesmo formando ás e aos profesionais que traballan neste campo nos concellos, así como a policías locais adheridos ao sistema Viogen, por mencionar algúns exemplos”, indicou. Tamén agradeceu “todo o traballo que están a desenvolver os distintos axentes que interveñen nos procesos de violencia contra as mulleres, sabemos que atravesan situacións difíciles e fano coa maior dilixencia e profesionalidade”.
Criterios de distribución
O Real Decreto 1023/2020, do 17 de novembro , recolle os criterios de repartición establecidos e contemplan, por unha banda, unha cantidade fixa para cada localidade –sen ter en conta a súa poboación– e outra contía fixa en función da poboación do municipio. Ademais, o remanente que existe despois de aplicar os criterios anteriores, distribúese proporcionalmente entre todos os municipios incorporados ao Sistema de Seguimento Integral nos casos de Violencia de Xénero (Sistema VioGén) do Ministerio de Interior, así como entre os concellos nos que están empadroadas vítimas usuarias do servizo telefónico de Atención e Protección para vítimas da violencia de xénero (ATENPRO) no primeiro día do mes anterior ao que se dite a resolución anual de transferencias.