El subdelegado do Goberno en Pontevedra, Abel Losada, presidiu clausúraa do curso formativo dirixido a futuros observadores e observadoras científico-pesqueiras que tivo lugar esta semana no buque Intermares, do Ministerio de Agricultura, Pesca e Alimentación, xunto ao comandante da embarcación, o capitán de corveta, Pablo Ortega. Ao acto asistiron tamén o xefe da área de Agricultura e Pesca da Subdelegación do Goberno, Javier Seoane, e o director do curso, Xullo Valeiras.
No seminario participaron 33 estudantes procedentes dos graos universitarios de Ciencias do Mar e de Bioloxía, así como estudantes do #máster de Biología Marina das universidades de Vigo, Santiago e A Coruña. A formación estivo a cargo do profesorado da Secretaría Xeral de Pesca e o Instituto Español de Oceanografía.
No acto, o subdelegado destacou a importancia desta iniciativa, que busca ofrecer unha capacitación completa e avanzada aos futuros observadores e observadoras mariñas. “Unha figura fundamental no estudo dos océanos e a súa biodiversidade”, destacou o subdelegado, que tamén puxo en valor o seu “traballo en aras de garantir unha actividade económica tan importante como a pesca no contexto da sustentabilidade ambiental”.
Abel Losada destacou tamén as condicións extremas nas que os observadores e observadoras realizan “un labor psíquico e física de gran dureza, converténdose nun o es indispensable da cadea pesqueira”.
El buque Intermares, unha universidade flotante
El buque de cooperación e formación pesqueira Intermares é unha auténtica universidade flotante. O barco, que alberga diversas aulas-taller, salas de reunión e laboratorios, conta cun deseño e un equipamento tecnolóxico de última xeración. Do 1 ao 5 de xullo a embarcación recalou no porto de Vigo.
Desde o ano 2018, tras a sinatura de acordo entre o Ministerio de Agricultura, Pesca e Alimentación e o Ministerio de Defensa, o buque é utilizado en coordinación entre ambos con finalidade formativa e ten a súa base en Ferrol.