El delegado do Goberno en Galicia, Pedro Blanco, participou este martes en Vigo nun xantar-coloquio con representantes do Corpo Consular acreditado en Galicia, organizado polo Círculo de Empresarios de Galicia, e no que tamén estiveron as subdelegadas e subdelegados do Goberno das catro provincias.
Pedro Blanco agradeceu a Juan Manuel Vieites, decano do Honorable Corpo Consular de Vigo e cónsul honorario de Polonia en Galicia; ás consulesas xerais de Arxentina e Cuba, Silvina Montenegro e Ingrid Izquierdo, e aos 12 cónsules honoríficos e ex representantes consulares asistentes o traballo desenvolvido para estreitar os fortes lazos culturais e económicos que unen Galicia cos distintos países aos que representan.