Abel Losada estuda coa Fundación Galega contra o Narcotráfico as súas vinte propostas para mellorar a loita contra a droga

El subdelegado do Goberno, Abel Losada, recibiu á Fundación Galega contra o Narcotráfico e estudou cos seus responsables o documento, que veñen de elaborar con 20 propostas concretas para mellorar a loita contra o tráfico de drogas. A La reunión asistiron Manuel Couceiro e Fernando Alonso, presidente e xerente da Fundación.
Losada recibiu tamén a felicitación da Fundación Galega polos últimos éxitos policiais nas operacións desenvolvidas pola Garda Civil, Policía Nacional e o Servizo de Vixilancia Aduaneira na loita cotra o narco e que concluíron cun importante número de detencións e o comiso de grandes cantidades de droga, diñeiro, propiedades e tamén desarticularon a loxística para a fabricación de narcolanchas en distintos puntos da provincia.
El subdelegado aplaudiu a realización deste documento, froito dun traballo multidisciplinar con especialistas no ámbito social, policial e xudicial, con propostas, fundamentalmente no ámbito lexislativo, para “apertar” no combate contra o narcotráfico. Así se recollen accións relativas ás penas e o seu cumprimento, ás fianzas e aos embargos, entre outras cuestións.
“Faise moito, pero hai que facer máis”, coincidiron os responsables da Fundación e o subdelegado. Sen esquecer, destacaron desde a Fundación, que o traballo policial é só unha parte que debe ser complementada co traballo social para conseguir o rexeitamento do narcotraficante.