La subdelegada do Goberno nA Coruña, María Rivas, realizou unha visita institucional ao Concello de Boiro, onde mantivo un encontro co seu alcalde, José Ramón Romero e membros da corporación municipal, co obxectivo de supervisar as actuacións levadas a cabo neste concello por Demarcación de Costas. Na visita estivo acompañada polo Xefe de Demarcación de Costas de Galicia, Carlos Gil.
La subdelegada, achegouse a unha das actuacións xa finalizadas que son os encanamentos do regato na praia de Barraña co obxectivo de mellorar a protección do Dominio Público Marítimo-Terrestre, acondicionando o regato e deste xeito evitar os meandros que diminúen a zona de areal. Esta actuación permite, por tanto, a recuperación desta zona do areal para o goce dos veciños e veciñas de Boiro.
Os encanamentos feitos cunha cimentación mellorada compleméntanse con dúas barreiras paralelas realizadas con cilindros de material reciclado, que axudan a conter os muros de area para evitar o seu derrubamento, ao mesmo tempo que actúan de barreiras de seguridade. Os encanamentos tamén contan con pasarelas de madeira para o uso peonil.
Rivas e o alcalde tamén se desprazaron ata o dique de Neixón, onde se están acometendo obras de demolición do dique co obxectivo de permitir a recirculación das correntes na enseada de Taragoña, o que redundará na mellora das condicións hidrodinámicas da ría, favorecendo a recuperación dos ecosistemas mariños e do potencial marisqueiro.
La obra consiste na eliminación do dique-espigón mediante o baleirado e retirada de 14.000 m3 de materiais de recheo, para a recuperación e mellora do bordo litoral con pedra de dique procedente da propia obra. A actuación neste caso, ten un orzamento de 227.572,32€
María Rivas, sinalou durante a súa visita que é necesario apoiar aos municipios, especialmente aos máis pequenos, na mellora das súas infraestruturas e na rexeneración dos seus espazos, como un mecanismo que os acompañe de face á mellora dos servizos, e axúdeos a frear a perda de poboación. Trátase de garantir ás persoas que viven nos concellos costeiros e rurais un futuro no que conten coas mesmas oportunidades para toda a veciñanza.