A consulesa da Arxentina en Vigo, Silvina Montenegro, estivo esta mañá na Subdelegación do Goberno co subdelegado, Abel Losada, para presentarse e establecer liñas de colaboración entrambos as dúas institucións.
Durante a conversa, Montenegro explicou a súa satisfacción por retornar a Vigo, pois despois de ser consulesa entre 2016 e 2021 foi relevada e volveu a este destino en outubro pasado.
No encontro analizouse o proceso de chegada de arxentinos/as a Galicia, un fenómeno difícil de medir, pois algúns e algunhas chegan con outros pasaportes, como o italiano. Ademais, falouse da necesidade de axilizar o proceso de homologación das titulacións, pois o colectivo inmigrante arxentino está altamente cualificado en moita profesión especialmente interesantes para a sociedade española.