Abel Losada reúnese coa plataforma “El auga é Vida”

O subdelegado do Goberno en Pontevedra, Abel Losada, reuniuse hoxe con membros da plataforma A auga é Vida para escoitar as súas demandas e preocupacións en relación ao proxecto denominado Galicia Sport 360, que promove o RC Celta de Vigo en Mos.
No encontro, os representantes dun colectivo que agrupa á Comunidade de montes de Tameiga e ás traídas de auga afectadas polo este proxecto, informaron o subdelegado da traxectoria de loita veciñal que levan exercido desde os inicios desta iniciativa urbanística, así como sobre as diversas vitorias xudiciais que lograron. Tamén expresaron a súa fonda preocupación pola afección deste complexo deportivo aos recursos hídricos e á auga potable que abastece a 4.000 dos 15.000 veciños e veciñas de Mos
Abel Losada destacou o valor dunha plataforma veciñal que dedica un esforzo inxente a coidar e protexer os recursos naturais e o patrimonio común de todas e todos.