Ourense, 5 de abril de 2024.- El subdelegado do Goberno en Ourense, Emilio González, acudiu hoxe á comisaría provincial da Policía Nacional para colaborar na entrega de carnés de Ciberexperto a escolares da provincia. O subdelegado agradeceu aos centros educativos o interese posto en solicitar estas actividades pertencentes ao plan director para a mellora da convivencia.
O subdelegado, acompañado do comisario provincial, Cástor Vázquez, a comisaria xefa de operación da Policía Nacional, Nuria Palacios, realizaron a entrega de carnés personalizados a nenos e nenas de 6º de primaria dos colexios Mestre Vide, Divina Pasora, Salesianos María Auxiliadora e CEIP Curros Enríquez. O subdelegado felicitou a estes escolares polo seu esforzo á hora de adquirir coñecementos en materia de educación no ámbito tecnolóxico.
Emilio González destacou que "con este programa, os alumnos e alumnas da provincia estarán máis preparados para facer fronte aos riscos de internet e saberán como proceder e actuar ante unha ameaza na rede. Tamén recalcar o esforzo disposto por permitir esta acción, o que lles permitirá ter un alumnado máis preparado, diminuíndo as condutas de risco e todas as consecuencias que se poidan derivar delas".
Así, o subdelegado puxo o valor a vontade do corpo da Policía Nacional por achegar o seu traballo a todos os sectores da sociedade e "dotar de ferramentas ás persoas para afrontar situacións de risco".
Carnéts de Ciberexperto
Esta actividade forma parte do Plan Director da Policía Nacional, que serve como ferramenta educativa para o ámbito escolar.