El subdelegado do Goberno en Pontevedra, Abel Losada, anunciou que o Goberno achegará 2,94 millóns de euros a tres centros de innovación empresarial situados na área de Vigo, que coparon catro dos doce proxectos seleccionados na convocatoria Cervera Centros Tecnolóxicos de Excelencia 2023 do Ministerio de Ciencia, Innovación e Universidades.
El subdelegado enmarcou este investimento “na aposta do Goberno para impulsar o ecosistema da innovación na provincia en áreas estratéxicas” e destacou “o papel de Vigo como polo da innovación en España”. Neste sentido explicou que catro dos cinco centros galegos beneficiarios nesta convocatoria son vigueses.
El Ministerio de Ciencia, Innovación e Universidades vén de publicar a resolución definitiva da Convocatoria Cervera Centros Tecnolóxicos de Excelencia 2023, pola que se destinan 38,3 millóns de euros, financiados cos fondos europeos do Plan de Recuperación Transformación e Resiliencia, a 12 proxectos de centros tecnolóxicos e centros de apoio á innovación.
Os tres centros da provincia beneficiarios participarán en catro proxectos dirixidos á realización de programas estratéxicos de I+D+i no ámbito das tecnoloxías prioritarias Cervera. En concreto, o Centro Tecnolóxico de Telecomunicacións de Galicia (GRADIANT) recibirá 976 mil euros para desenvolver un proxecto de ciberseguridade xunto o CEIT de Navarra. O centro vigués recibirá tamén 800 mil euros para levar a cabo experimentos con tecnoloxía 6G xunto a outros dous centros de Cataluña e País Vasco.
Pola súa banda, o Centro Técnico Nacional de Conservación de Produtos da Pesca (CECOPESCA) recibirá case 600 mil euros ao integrarse na rede de tecnoloxías ómicas para a innovación de combinacións proteicas óptimas para o consumidor xunto a outros catro centros de Aragón, Cataluña, País Vasco e Valencia.
Así mesmo, o Centro Tecnolóxico de Eficiencia e Sostenibilidad Energética (ENERGYLAB) recibirá 570 mil euros para impulsar o hidróxeno renovable xunto a outros catro centros de Andalucía, Castela e León, Cataluña e Valencia.
O obxectivo desta convocatoria, xestionada polo Centro para o Desenvolvemento Tecnolóxico e a Innovación (CDTI), é fortalecer as capacidades dos centros tecnolóxicos que desenvolven investigación aplicada en España e fomentar a súa capacidade de colaboración con outros axentes, especialmente empresas.
Abel Losada anuncia que o Goberno impulsará o labor innovador de tres centros tecnolóxicos da provincia cun investimento de 3 millóns de euros
03/04/2024
Cecopesca, Energylab e Gradiant logran catro dos doce proxectos beneficiarios da convocatoria Cervera 2023 do Ministerio de Ciencia, Innovación e Universidades As achegas estatais permiten avanzar no desenvolvemento da ciberseguridade, do 6G, do hidróxeno verde e da tecnoloxía ómica aplicada aos alimentos El subdelegado destaca “a forza de Vigo como polo da innovación en España”