Ourense, 2 de abril de 2024.- O subdelegado do Goberno en Ourense, Emilio González, puxo de manifesto hoxe a alta efectividade das políticas de emprego que ven desenvolvendo o Goberno central e que repercuten con datos moi positivos de emprego na provincia de Ourense tal e como se reflicte na estatística publicada hoxe polo Ministerio de Traballo e economía social sobre os datos de emprego do mes de marzo que reflicten que nos/nos atopamos en mínimos históricos. O Subdelegado sinala como unha boa nova para a provincia cuns datos que reflicten que somos a segunda provincia galega cunha menor taxa de desemprego. Segundo a estatística publicada, a provincia de Ourense descende en 167 persoas desempregadas menos, con respecto ao mesmo período do ano 2023. En marzo de 2023 eran 16.553 as persoas nesta situación con respecto aos 15.386 publicados esta mañá. Na provincia descende substancialmente os rexistros nos sectores da agricultura, a construción e os servizos, síntoma das políticas activas de emprego que defende o Goberno co impulso dos contratos indefinidos, a modernización das negociacións colectiva e investimento en emprego novo ou o impulso na digtalización do SEPE; as cales se ven reflectidas nun aumento das afiliacións á seguridade social con 165 novos cotizantes no mes de marzo con respecto ao mes anterior.
AUMENTO DAS AFILIACIÓNS Á SEGURIDADE SOCIAL
No que respecta á seguridade social o subdelegado incide na mellora da calidade e estabilidade do emprego cun aumento na provincia de 1.072 afiliacións á seguridade social máis que en marzo do pasado ano.