La subdelegada do Goberno nA Coruña, María Rivas, despediu hoxe ás cinco persoas que participaron durante o último ano no programa ‘Primeira Experiencia Profesional nas Administracións Públicas’ traballando nas dependencias da Subdelegación do Goberno.
Este plan formativo, que ofrece unha primeira experiencia laboral nas Administracións Públicas (tanto Xeneral como Territoriais) a persoas novas desempregadas que completasen a súa educación formal, serviulles para coñecer o funcionamento da Administración e, ao mesmo tempo achegar os seus coñecementos para actualizar e modernizar os diferentes procesos.
En concreto, as cinco beneficiarias deste programa na provincia, todas elas mulleres e graduadas en Comunicación Audiovisual, Dereito e Información e Documentación, prestaron servizos nos departamentos de comunicación e documentación da institución nas mesmas condicións que o resto do persoal funcionario.
María Rivas, xunto ás persoas que tutorizaron o seu paso pola Subdelegación, Antonia Somoza, Enrique Calvo e Juan Carlos Echávarri, agradeceu ás participantes neste programa o seu traballo e aportacións neste ano coa confianza de que fose unha experiencia produtiva que lles permita seguir crecendo profesionalmente no mercado laboral, un camiño no cal lles desexou a mellor das sortes.