La subdelegada do Goberno, María Rivas, puxo hoxe en valor o compromiso do Goberno co Concello de Arteixo que queda patente unha vez máis coa cesión gratuíta por parte do Ministerio de Facenda de tres parcelas rústicas para o seu uso como instalacións deportivas, acto que queda recollido hoxe no Boletín Oficial do Estado.
La subdelegada indicou que a cesión destas parcelas rústicas na parroquia de Morás, en Arteixo, beneficiará ao circuíto de carreiras-autocrós e ás súas instalacións anexas. “Suporá un impulso para o deporte na zona e contribuirá a dinamizar a actividade deportiva neste municipio”, afirmou Rivas, quen destacou que esta iniciativa forma parte tamén da política do Goberno de promover o deporte como un medio para fomentar a actividade física e a vida saudable, así como para impulsar o desenvolvemento económico e social das diferentes localidades de Galicia.
María Rivas tamén lembrou que esta cesión se suma a outras axudas e investimentos realizados polo Goberno de España en Arteixo, como a rexeneración ambiental dos ríos Bolaños e Bidueira por valor de máis de 900.000 euros ou as obras de humanización do Paseo do Balneario cunha subvención de 702.000 euros, entre outras, “o que demostra o forte compromiso do Goberno coa mellora da localidade, promovendo proxectos que benefician ao conxunto da cidadanía e que inciden no seu desenvolvemento e crecemento económico.