El delegado do Goberno, Pedro Blanco, destacou desde o acto de comezo de rodaxe de San Simón o apoio do Goberno ao sector audiovisual galego no seu proceso de consolidación. Pedro Blanco desprazouse para asistir a el ata á Illa de San Simón, que tamén vai protagonizar como localización a maior parte dun filme que producen Miramemira, de Santiago de Compostela, e Morelli Producciones, de Madrid.
Pedro Blanco fixo fincapé na importancia a nivel cultural e económico que ten o cinema español para toda a sociedade, e no que Galicia xa comeza a despuntar como un polo importante. En este sentido, o delegado defendeu proxectos como o de San Simón, «que ademais de ser un fantástico exemplo do cinema feito e traballado aquí, dignifica a memoria das vítimas da ditadura franquista e honra a aqueles que foron represaliados pola súa barbarie».
El filme trasládanos á Guerra Civil española, concretamente á illa de San Simón, que se converteu nun campo de concentración onde centos de prisioneiros foron maltratados e executados polo réxime franquista. A película conta as historias das persoas que sufriron esta represión.
El delegado estivo acompañado do director, Miguel A. Delgado; da produtora, Andrea Vázquez; da alcaldesa de Redondela, Digna Rivas, e doutras autoridades, historiadores e familiares de vítimas.
Ayudas ao sector
Miramemira, produtora galega que participa neste traballo, recibiu 554.832 euros do ICAA para a produción de longos e de curtametraxes desde o 2020. A película de San Simón alcanzou 378.250 euros na convocatoria do 2022 do ICAA a través dunha sociedade específica para a súa realización.
Nos últimos tres anos o Goberno concedeu máis de 7 millóns de euros a produtoras galegas, 3,25 no 2023. A esta cantidade hai que engadir 159.000 euros máis para 5 curtametraxes tamén producidos por empresas galegas.
O sector audiovisual e cinematográfico é unha das pancas do Plan de Recuperación, Transformación e Resiliencia (PRTR). De feito, o Goberno español é dos pouco a nivel europeo que considerou o sector da cultura como un dos eixos da recuperación económica despois da pandemia, reservando unha partida de máis de 500 millóns de euros para a súa dinamización. Para este Goberno á cultura é unha política de Estado.