El delegado do Goberno en Galicia, Pedro Blanco, reuniuse esta mañá co novo delegado especial da Axencia Estatal de Administración Tributaria de Galicia, Miguel Cárcaba Menéndez.
Durante a reunión, Pedro Blanco felicitou a Miguel Cárcaba polo seu cargo e desexoulle moito éxito nesta nova responsabilidade. Ambos acordaron traballar de forma coordinada e colaborativa para garantir unha xestión eficaz e eficiente dos asuntos relacionados coa administración tributaria en Galicia.
Miguel Cárdaba, nado en 1984 en Oviedo, ingresou como subinspector na Axencia Tributaria en 2010 e ascendeu a inspector en 2017. Ocupou distintos postos en Palma de Mallorca, Barcelona e Cantabria. Ata o seu nomeamento en Galicia ocupaba o cargo de delegado especial da AEAT en Cantabria.