El delegado do Goberno en Galicia, Pedro Blanco, apoiou hoxe en Fitur a presentación da nova campaña de promoción turística do Concello de Betanzos para este ano 2024 e que ten como elemento principal a conmemoración do 25 aniversario da Feira Franca Medieval de Betanzos.
Pedro Blanco felicitou á alcaldesa, María Barral, por esta presentación e destacou a cooperación que o Goberno de España e o Concello de Betanzos manteñen en distintos ámbitos relacionados co turismo, como na modernización do tecido turístico da vila e na restauración de elementos fundamentais do patrimonio betanceiro.