El delegado do Goberno en Galicia, Pedro Blanco, realizou hoxe unha visita institucional ao Concello da Coles, onde mantivo un encontro co alcalde da localidade, Manuel Rodríguez, con quen supervisou as obras de mellora do sistema de saneamento, que permitirán poñer fin ás verteduras no municipio.
Estos traballos consistiron na construción dunha rede de colectores no núcleo de Sequeiros que recollen as augas residuais e condúcenas ata un novo pozo de bombeo na estrada de Seoane para despois conectar coa rede de saneamento de Ourense, que tivo que ampliar a capacidade das súas conducións para posibilitar a conexión destas novas verteduras coa EDAR.
Pedro Blanco sinalou a necesidade de apoiar aos municipios, especialmente aos máis pequenos, na mellora dos seus servizos e infraestruturas para frear a perda de poboación no rural e para garantir aos seus habitantes un futuro coas mesmas oportunidades para todos e todas.
En esta liña, repasou co alcalde outros proxectos na localidade, como os traballos para a rehabilitación e mellora da eficiencia enerxética a través de renovables de inmobles públicos como o polideportivo, a Casa do Concello ou a biblioteca, que se executan con cargo aos fondos do Plan de Recuperación.
También comprobaron a evolución dos traballos para completar a extensión da banda larga no marco do Programa UNICO do Goberno, que vai permitir levar a conexión de Internet de altas prestacións a 267 familias e empresas que ata agora carecían deste servizo en Coles.