El subdelegado do Goberno en Pontevedra, Abel Losada, presidiu este sábado o acto de celebración polo 200 aniversario da Policía Nacional en Pontevedra, destacando o gran labor do corpo para cos cidadáns. El homenaxe polo bicentenario incluíu o izado dunha bandeira nacional. Acompañado polo comisario provincial, Juan José Díaz, o subdelegado manifestou o seu total apoio ao labor de todos os homes e mulleres que integran o Corpo Nacional de Policía e agradeceulles os dous séculos de vida velando pola seguridade cidadá, os dereitos individuais e as liberdades constitucionais.
“Son douscentos anos de entrega total aos españois e ás españolas, ante os que calquera palabra de agradecemento queda curta”, incidiu. Así, Abel Losada recoñeceu que “a pesar de que moitas das ameazas tradicionais contra as que loita a Policía perviven, como a delincuencia organizada, o terrorismo ou a criminalidade tradicional, “son numerosos os novos retos aos que hoxe ofrecedes resposta con eficiencia e proximidade, como a loita contra a violencia machista, os problemas derivados do cambio climático, ou a ciberdelincuencia”.
O subdelegado enxalzou o traballo do Corpo Nacional de Policía como un valor con distintas perspectivas, entre as que destacou o “compromiso ético, para garantir a seguridade de todos e todas sen que caiba ningunha discriminación por razón de nacionalidade, raza, sexo, xénero ou orientación sexual” e, en segundo lugar, a seguridade “como un valor económico cada vez máis importante nun mundo cambiante no que as ameazas son cada vez máis cambiantes e globais”. “É aquí onde a Policía demostra a súa capacidade de adaptación a ese mundo cambiante, con novas formas de delincuencia, novos riscos e ameazas e é aquí onde os cidadáns e cidadás atopamos a protección para vivir en liberdade”, engadiu.
En esta liña, o subdelegado incidiu na aposta do Goberno por acompañar á Policía Nacional no camiño da modernización e por reforzalo recuperando desde 2018 un total de 14.381 prazas netas nas Forzas e Corpos de Seguridade do Estado, o que constitúe a maior cifra de efectivos da historia.
Finalmente, animou aos axentes a perseverar “no esforzo que nos/nos demanda a sociedade neste novo modelo de seguridade, que se fundamenta nos eixos constitucionais de: liberdade, igualdade, cohesión territorial e compromiso cos servizos públicos, que son tamén os eixos deste Goberno progresista”.