La subdelegada do Goberno nA Coruña, María Rivas, visitou hoxe xunto con o alcalde, Carlos Calvelo, a capela do Balneario na que xa finalizaron as obras de rehabilitación que permitiron transformar este elemento do complexo termal nunha sala multiusos destinada a acoller actos socio-culturais. Esta actuación contou cunha achega 199.876,92 euros do Plan de Recuperación, Transformación e Resiliencia en materia do cumprimento da primeira liña do Plan de Impulso e Rehabilitación de Edificios Públicos (PIREP).
La subdelegada sinalou que as axudas do Programa PIREP supoñen un “gran impacto para a cidadanía e os servizos públicos” xa que permiten “a creación de novos espazos adaptados ás necesidades e á actividade da cidadanía e o aproveitamento de espazos, moitas veces en desuso, como antigos polideportivos, centros sociais, escolas e mercados municipais a través da súa rehabilitación”.
“Aquí hoxe no concello de Arteixo podemos ver un claro exemplo de como o Goberno está a chegar co Plan de Recuperación a todo o territorio, co obxectivo de mellorar os servizos en colaboración coas administracións locais, e traballar conxuntamente por mellorar a calidade de vida da cidadanía e de todas as persoas que vivimos nesta provincia”, manifestou a subdelegada.
En este sentido, María Rivas, lembrou que nesta primeira liña, o Goberno destinou a través do PIREP local, 12 millóns de euros a dez concellos da provincia da Coruña para financiar a rehabilitación de 11 edificios de titularidade municipal.
En concreto, a subdelegada subliñou actuacións como a do Concello de Santiago que obtivo 3.319.427 euros para mellorar as instalacións deportivas de Vite e de Santa Isabel; os 1.482.081 euros para a rehabilitación do Mercado de Abastos de Betanzos ou os 978.710 euros concedidos polo Goberno para a rehabilitación do Pazo de Martelo e Biblioteca Municipal do concello de Rianxo.
María Rivas destacou o carácter municipalista do Goberno e sinalou que o “Programa de Impulso á Rehabilitación de Edificios Públicos (PIREP) é unha boa mostra de como apoiamos aos municipios para que dispoñan de infraestruturas e medios para ofrecer servizos de calidade aos seus veciños e veciñas”.
A capela do Balneario formou parte da segunda fase das obras de rehabilitación do Balneario de Arteixo, que finalizaron recentemente, e incluíu a transformación da mesma nunha sala dedicada a acoller exposicións ou eventos públicos para o goce da veciñanza do municipio.
Investimentos no concello de Arteixo
María Rivas aproveitou a súa visita ao concello de Arteixo para mostrar o compromiso que o Goberno ten co municipio, que se manifesta a través dos máis de 2 millóns de euros destinados a diferentes medidas e programas para mellorar a calidade de vida da cidadanía, ademais dos seus servizos e infraestruturas.
En este sentido, a subdelgada manifestou que o municipio recibiu unha axuda de 907.000 euros a través do Ministerio para a Transición Ecolóxica para a posta en marcha do proxecto Londra, que ten por obxectivo a rexeneración ambiental e a recuperación dos hábitats e o bosque dos ríos Bolaños e Bidueira; ademais do desenvolvemento dun sistema de drenaxe urbana sustentable.
María Rivas lembrou que Arteixo foi un dos 6 concellos galegos que se beneficiaron da subvención concedida polo Ministerio de Transportes e Axenda Urbana para que os concellos cren zonas de baixas emisións e adquiran autobuses e bicicletas eléctricas, para descarbonizar e dixitalizar a mobilidade urbana. En concreto, recibiron 702.000 € para financiar as obras de humanización do Paseo do Balneario, para integrar o Parque Central e Balneario de Arteixo e para o sistema público de mobilidade ciclista en Arteixo.
Por último, a subdelegada destacou tamén o investimento de 110.148,64 € realizados polo Ministerio de Asuntos Económicos e Avance Dixital a través do Programa UNICO-Banda Larga, que pretende levar a conexión a internet ultrarrápida a todas as zonas rurais de Galicia que non dispoñen deste servizo; ademais dos 117.145, 64 € do Ministerio de Igualdade dentro do Pacto de Estado Contra a Violencia de Xénero e os 53.724 € do Ministerio de Industria, Comercio e Turismo para a modernización e sustentabilidade do comercio de proximidades en Arteixo.