El delegado do Goberno en Galicia, Pedro Blanco, reiterou hoxe que a loita contra a violencia de xénero e a protección das vítimas son unha “cuestión de Estado” para o Goberno de España. Así o expresou durante o acto público de repulsa convocado pola Delegación do Goberno en Galicia ante o último crime da violencia machista en Galicia, ocorrido o pasado venres na localidade de Sigüeiro, no Concello de Oroso (A Coruña). El crime de María Encarnación Rodríguez é o 69º cometido en Galicia desde o inicio das estatísticas en 2003 e é o terceiro deste ano/este ano na Comunidade.
O delegado do Goberno presidiu un minuto de silencio en sinal de condena e de dor por este asasinato, mostra dun terrorismo machista “que non podemos consentir como sociedade democrática”. Pedro Blanco trasladou as súas condolencias e o seu afecto á familia de María Encarnación acompañado por traballadores e traballadoras da Delegación do Goberno e membros das forzas e corpos de seguridade do Estado. Entre eles atopábase o xeneral xefe da 15 Zona da Garda Civil, Miguel González; o xefe de gabinete da Xefatura Superior de Policía de Galicia, Diego García e a xefa da Unidade de Coordinación contra a Violencia de Xénero da Delegación, María Debén.
Confirmación
A Delegación do Goberno contra a Violencia de Xénero confirmou esta mañá o asasinato de María Encarnación Rodríguez como caso de violencia de xénero. Con este, son 55 as mulleres asasinadas polas súas parellas ou ex parellas no que vai de ano en España, tres delas en Galicia. Os outros dous casos foron os crimes de Ana Vanessa Serén, en Oia (Pontevedra) e o de Beatriz Lijó, en Baiona (Pontevedra).