El delegado do Goberno en Galicia, Pedro Blanco, reafirmou hoxe a aposta do Goberno de Pedro Sánchez para eliminar a fenda dixital entre a Galicia urbana e a Galicia rural. Así o fixo na apertura do Foro Talentia Summit, un encontro que serve de antesala á feira de emprego homónima que se celebra en Santiago de Compostela. O delegado puxo en valor este evento como unha oportunidade para que a mocidade coñeza o gran talento que hai nas empresas de Galicia.
Pedro Blanco centrou a súa intervención nos retos que afronta o Goberno de España diante da extensión da intelixencia artificial e a dixitalización, temas que protagonizan este ano/este ano os relatorios do Foro. En esta liña, insistiu en que o Goberno de España está a asumir esta responsabilidade nas dúas vertentes, a da tecnoloxía e a lexislativa, co obxectivo de alcanzar unha “sociedade dixital libre, aberta e inclusiva”, e asegurar que “o desenvolvemento da tecnoloxía e da intelixencia artificial contribúa ao ben común e reforce os valores democráticos”.
Apuesta pola dixitalización
No que respecta á tecnoloxía, o delegado reiterou o compromiso pola eliminación da fenda dixital entre a Galicia rural e a urbana, para que “todos os galegos e galegas dispoñamos das mesmas ferramentas tecnolóxicas sen ter en conta onde vivamos ou onde queiramos vivir”. Así, o Goberno está a investir 90 millóns de euros para conectar con fibra óptica a 240.000 familias e empresas dos 313 concellos de Galicia a través do Programa UNICO-Banda Larga. Un programa co horizonte posto en 2025, cando o “100 por 100 do territorio galego terá cobertura de internet de alta velocidade”, avanzou.
A este programa únense os investimentos para garantir a extensión da tecnoloxía 5G á comunicación móbil, focalizados tamén nas zonas rurais e vilas de Galicia. Pedro Blanco informou de que o Goberno reserva en Galicia preto de 90 millóns de euros para este obxectivo a través de dúas accións: a primeira, para modernizar as torres de telefonía móbil que se atopan fóra das cidades, e a segunda, para garantir a cobertura 5G en concellos de menos de 5.000 hab.
Junto con a eliminación da fenda dixital, o delegado tamén significou a aposta pola dixitalización do sistema produtivo e da economía con programas de gran impacto en Galicia como o Kit Dixital. Este programa está xa permitindo que 20.000 pemes e persoas autónomas de Galicia accedan a solucións tecnolóxicas innovadoras con 85 millóns de euros de axudas públicas.
Unha revolución normativa
O delegado abordou o reto normativo que está a afrontar o Goberno diante da evolución “imparable” da intelixencia artificial, “un debate que ten unha gran carga lexislativa e ética e no que podo dicir que España está a facer os deberes.”
Destacó que o Goberno de Pedro Sánchez foi pioneiro en aprobar unha Carta de Dereitos Dixitais e tamén foi o primeiro en crear unha Axencia Estatal de Supervisión da Intelixencia Artificial, “que comezará a funcionar este mesmo ano na cidade da Coruña”. Neste momento, ademais, o Goberno español está a liderar as negociacións para a aprobación do Regulamento Europeo de Intelixencia Artificial, “un marco claro e ético para estimular o desenvolvemento da Intelixencia Artificial desde os valores europeos e a defensa dos Dereitos Humanos”.