El delegado do Goberno, Pedro Blanco, demandou á Xunta de Galicia que “deixe de enredar” coas cifras do Plan de Recuperación e dea conta de como está a executar os máis de 1.400 millóns de euros de fondos europeos que lle transferiu o Goberno para a súa xestión directa. Tamén destacou que os fondos que xestiona o Goberno están a chegar a todos e cada un dos concellos galegos, que están a ter un papel moito máis activo que a Xunta á hora de mobilizar investimentos que redunden na mellora da economía e da calidade de vida dos galegos e as galegas.
En esta liña, Pedro Blanco apuntou que os máis de 1.600 millóns de euros que xestiona directamente o Goberno son os que están a permitir un cambio de modelo na comunidade cara a unha economía baseada na creación de emprego de calidade e a sustentabilidade e competitividade do tecido industrial e empresarial galego. “Investimentos das que se están beneficiando máis de 25.000 empresas e autónomos en Galicia e que chegan tamén a máis dun milleiro de entidades locais e organismos públicos”, indicou.
Así, Pedro Blanco enumerou actuacións financiadas con cargo a estes fondos en materia de infraestruturas, como os máis de 209 millóns de euros que inviste o Goberno nas estacións intermodais, os 65 para mobilidade sustentable nos municipios, os máis de 200 millóns para os accesos ferroviarios aos portos da Coruña e Ferrol e a Plisan, os 550 millóns da modernización do trazado ferroviario Ourense-Monforte-Lugo; os 111 para a chegada do AVE a Ourense; as partidas para as humanizacións das principais avenidas da Coruña e Ferrol e as travesías de Marín, Xinzo e Milladoiro, ou a construción da ligazón Orbital en Compostela, entre outros.
El delegado tamén destacou o esforzo do Goberno pola dixitalización do territorio e a extensión do 5G. En especial, a aposta por levar Internet de alta velocidade a todos os recunchos de Galicia, con máis de 144 millóns de euros de investimento a través do Programa UNICO. Por non falar dos máis de 85 millóns de euros do Kit Dixital que xa chegaron a 20.000 pemes e autónomos da comunidade ou as diversas iniciativas de capacitación dixital para a cidadanía.
En materia de industria, Pedro Blanco destacou a transformación que vai vivir Galicia nos próximos anos grazas aos fondos do Plan de Recuperación do Goberno. Nesta liña, enumerou os máis de 50 millóns de euros que recibirán as empresas galegas para repotenciación de parques eólicos e infraestruturas hidráulicas e os 20 millóns que o Goberno entrega ao Inega para experimentar coa eólica mariña. Tamén os 38 millóns de euros para os proxectos de hidróxeno verde, os preto de 20 que mobiliza o PERCHE Agro entre empresas galegas ou os 145 millóns en pedidos que recibiron os estaleiros da ría de Vigo da Garda Civil e do Instituto Español de Oceanografía e que conseguiron revitalizar un sector que a propia Xunta estaba a levar cara á súa desaparición.
“O Goberno está a demostrar que sabe facer as cousas ben e que se pode buscar unha saída diferente á crise, máis verde, dixital e igualitaria”, afirmou Blanco, que puxo como exemplo o investimento marca en materia de turismo. “Un turismo que non só se centra no Camino de Santiago, ao que a Xunta parece fiar boa parte das súas políticas, senón que mobiliza 182 millóns de euros para plans de turismo sustentable en boa parte do país, ou 50 millóns de euros á rehabilitación do rico patrimonio cultural galego”.
O diñeiro do Plan de Recuperación do Goberno en Galicia está a permitir así mesmo a construción de máis de 500 vivendas de aluguer social en diferentes concellos galegos e actuacións para a mellora do medio ambiente, como a futura depuradora de Santiago ou a modernización dos regadíos da Limia.
“Estamos a falar de investimentos que non só dan resposta ás necesidades da poboación, senón que veñen cubrir a falta de actuación da Xunta en materias como industria, vivenda social, dixitalización, atención ao rural ou innovación que levan padecendo os galegos e as galegas desde a chegada do PP a San Caetano”.
Lealtad institucional
Ante estas cifras, Pedro Blanco esixiu “lealdade institucional” aos dirixentes da Xunta, aos que convidou a demostrar o mesmo nivel de transparencia e aos que lembrou o deber de indicar a existencia de fondos do Plan de Recuperación en moitas das actuacións que leva a cabo a Administración autonómica.