El delegado do Goberno en Galicia, Pedro Blanco, destacou a aposta do Goberno pola mellora dos servizos e da calidade de vida da cidadanía no rural, que se traduce en máis de 500.000 euros de investimentos no Concello dA Baña para avanzar na súa dixitalización e sustentabilidade. Pedro Blanco desprazouse ata o Concello dA Baña onde mantivo unha reunión co alcalde, José Antonio Pereira, e membros do Goberno local para supervisar estes proxectos.
En concreto, o delegado mencionou os 394.546 euros que recibiu o Concello a través do IDAE (Ministerio para a Transición Ecolóxica) para o cambio da iluminación pública por outra máis eficiente, coa consecuente redución de emisións e aforro na factura eléctrica do Goberno local. A este investimento súmase o Plan ÚNICO-Banda Larga, que desenvolve o Ministerio de Asuntos Económicos, e que posibilitará a chegada de internet de alta velocidade, mediante fibra óptica, a 903 vivendas e empresas da localidade que antes non dispuñan deste servizo.
Pedro Blanco puxo estas actuacións como exemplo do compromiso do Goberno co municipalismo e, en especial, cos concellos de reto demográfico a través dos fondos do Plan de Recuperación, “que chega a todos e cada un dos concellos de Galicia".
A estas actuacións hai que engadir outras partidas orzamentarias como os 100.000 euros do Plan de Sustentabilidade Turística en Destino (PSTD) ‘Terras de Santiago’ do Ministerio de Industria para a creación dunha aula gastronómico no municipio.
A Baña forma parte deste plan xunto con os concellos de Vedra, Boqueixón, Brión, Santiago, Teo, Ames, Val do Dubra, Negreira e Santa Comba, que reciben en conxunto 1,3 millóns de euros do Ministerio de Industria, Comercio e Turismo para potenciar os mercados gastronómicos locais, crear e promocionar novos formatos de turismo gastronómico na comarca e reforzar a oferta de turismo activo.