El delegado do Goberno en Galicia, Pedro Blanco, confirmou esta mañá a aposta do Goberno pola prolongación da variante ferroviaria dA Pobra de Santo Xiao en Lugo nun encontro co alcalde de Láncara, Darío Piñeiro, e co primeiro tenente de alcalde e deputado provincial, Pablo Rivera. Estas obras, cun investimento de 21,6 millóns de euros, iniciaranse a principios do 2024 e enmárcanse dentro das proxectadas para a mellora e modernización do corredor ferroviario Ourense-Monforte de Lemos-Lugo, cun orzamento total de 550 millóns de euros para a renovación da liña.
El delegado manifestou que grazas a este investimento “a provincia estará máis conectada que nunca, avanzando cara unha mellora de servizos e mobilidade no rural”. O principal obxectivo desta actuación responde a unha necesidade dos veciños do municipio “para abrir vías de conexión máis inmediatas a nivel comarcal e con outros lugares da provincia, cuestión coa que o Goberno de España mostra o seu compromiso con feitos”.
En esta liña, Pedro Blanco subliñou que o Goberno de España fixo un investimento total de 934.371 euros de forma directa no municipio. Entre outras cuestións, estas axudas permitiron a realización de actuacións en materia de recollida de residuos, grazas ao Plan de Recuperación do Goberno.
Reto Demográfico
O municipio de Láncara pertence ao Reto Demográfico, contando con estratexias para garantir un equilibrio e funcionalidade dos municipios, abordando o reto a través de mecanismos que promovan unha cohesión territorial. Así mesmo, o delegado avanzou na modernización e transición cara o dixital do municipio a través do programa UNICO - Banda Larga que permitirá levar fibra de alta velocidade a 1.204 vivendas/empresas de Láncara, a través de 610 proxectos que se están executando, achegando así a conexión de internet de alta velocidade grazas.
O Goberno tamén puxo en funcionamento no municipio a través do Ministerio de Educación e Formación Profesional a aula Mentor, unha iniciativa que ofrece formación en liña e tutorización, contando cun catálogo de máis de 170 cursos de diversas áreas formativas para ampliar coñecementos, tendo dispoñibles as entidades locais do Concello financiamento para a creación da súa Aula Mentor.