O delegado do Goberno en Galicia, Pedro Blanco, visitou esta semana a sede coruñesa do Museo Nacional de Ciencia e Tecnología (MUNCYT) acompañado do seu director, Fernando Luis Fontes. Alí puxo en valor a contribución deste museo á divulgación científica en Galicia, con máis de 55.000 visitantes anuais dos que o 40% corresponden a centros escolares de toda a comunidade.
Pedro Blanco cualificou o museo como “un excelente escaparate para a ciencia española”, ademais dunha “magnífica ferramenta didáctica” para promover o coñecemento científico e tecnolóxico na nosa sociedade.
Así, xunto con as 600 pezas que se expoñen na sede coruñesa do Muncyt, entre as que destaca, pola súa vistosidade, a cabina e unha turbina do Boeing 747 Jumbo “Lope de Veiga” ou a lanterna da “Torre de Hércules”, o delegado mencionou outras actividades complementarias ás exposicións, todas elas gratuítas, como conferencias, actividades lúdico-científicas, talleres didácticos, a colaboración na formación do profesorado de ciencias, e publicación de catálogos e obras de divulgación, entre outras.
Más de 10 anos nA Coruña
O Museo Nacional de Ciencia e Tecnoloxía, MUNCYT, creouse o 30 de xuño de 1980. Está adscrito á Secretaría Xeral de Investigación do Ministerio de Ciencia e Innovación. A sede da Coruña inaugurouse en maio de 2012. Situouse no edificio “Prisma de Cristal”, construído pola Deputación da Coruña. Ademais da sede en Galicia, o MUNCYT conta con outra sede expositiva en Alcobendas (Madrid) e un centro de documentación en Madrid-Delicias.
El MUNCYT desenvolve unha serie de propostas divulgativas ao redor da colección do museo e en relación con diferentes áreas científicas e tecnolóxicas. Actualmente pódese visitar a exposición temporal Os labirintos do cerebro na que se explica o funcionamento do cerebro e profundando na investigación neurocientífica. Ademais, cada semana organízanse talleres familiares, conferencias, charlas, xogos de pistas e eventos como concertos.
Un exemplo destas actividades engadidas é o programa que organizou o MUNCYT da Coruña con motivo da Noite Europea das Persoas Investigadoras, un evento de divulgación científica que ten lugar anualmente en varias cidades europeas o último venres de setembro. O MUNCYT da Coruña sumouse a esta conmemoración con distintos talleres e charlas que finalizarán hoxe, sábado.