El delegado do Goberno en Galicia, Pedro Blanco, dedicou hoxe a celebración do Día da Mercé no Centro Penal dA Lama ao conxunto de homes e mulleres que nos seus 25 anos de percorrido contribuíron a que este centro sexa hoxe referente nacional no deseño e aplicación das políticas de reinserción e de educación. Pedro Blanco participou na celebración desta xornada festiva, presidida polo secretario xeral de Institucións Penais do Ministerio do Interior, Ángel Luis Ortiz. Xunto a eles, tamén asistiron o alcalde da Lama, David Carrera, e a directora do centro, Teresa Delgado, a quen o delegado e o secretario xeral de Institucións Penais felicitaron persoalmente tras recibir a Medalla de Plata ao Mérito Penal.
Na súa intervención, Pedro Blanco encomiou o papel do Centro Penal da Lama, que prioriza “a participación, a actividade e a socialización” e no que son moitas as actividades de formación e de reinserción para facilitar á persoa reclusa a reintegración na vida en liberdade. Neste sentido, reivindicou un maior recoñecemento social ao servizo público que prestan as persoas que traballan neles e as asociacións que cooperan nas distintas liñas de acción que desenvolven.
Pola súa banda, o secretario xeral de Institucións Penais, Angel Luis Ortiz destacou o arraigamento do programa de intervención en réxime pechado. A Lama acollerá o próximo mes de novembro a formación nesta materia para profesionais doutros centros penais. “Grazas a todos, aos funcionarios de Interior e técnicos que constitúen un equipo multidisciplinar, por crer na igualdade de oportunidades para todas as persoas que cumpren pena de prisión”, trasladou.
Reconocimientos
El acto de hoxe serviu para recoñecer o traballo de persoas funcionarias e colaboradoras do Centro Penal con distintas mencións. En primeiro lugar, entregáronse cinco placas conmemorativas aos catro directores e unha directora que guiaron o centro desde o seu nacemento. Tamén se entregaron seis mencións honoríficas ao persoal que cumpriu os 25 anos de servizo activo e tres máis o persoal en recoñecemento de servizos concretos no último ano.
Por último, impuxéronse tres medallas concedidas polo Ministerio do Interior: a medalla de Bronce ao Mérito Social Penal, a Beatriz Arjona, titora da UNED no centro; a medalla de Bronce ao Mérito Penal ao funcionario Ricardo Silva, e a medalla de Prata ao Mérito Social Penal a Isaac de Vega, capelán do centro.