El delegado do Goberno en Galicia, Pedro Blanco, aproveitou a súa participación este xoves na cerimonia dos premios Benfeito que organiza a Unión de Consumidores de Galicia, para enxalzar o traballo das empresas galegas e a “enorme calidade” dos produtos e servizos que comercializan.
Pedro Blanco resaltou que o Goberno de España é o mellor aliado das empresas galegas para potenciar o seu crecemento e así impulsar o tecido produtivo. Mostra disto son estes premios que recoñecen e valoran o labor e traballo desenvolvida por estas empresas en diferentes ámbitos e sectores.
En este sentido, insistiu en que nesa mellora constante “saben que teñen o apoio do Goberno, a través dos fondos do Plan de Recuperación, para continuar modernizando e transformando a nosa industria. Durante a gala, o delegado entregou o galardón na categoría de produtos alimenticios á cerveceira Estrela Galicia.
Para finalizar, o delegado felicitou á Unión de Consumidores por organizar estes premios Benfeito, que dá voz ás persoas consumidoras e que recoñece a importancia da xente á que lles chegan os produtos e servizos.
Premios Benfeito
Os premios Benfeito recoñecen o traballo das empresas galegas que elaboren produtos, bens de consumo ou fornezan servizos dirixidos ás persoas consumidoras e usuarias. Os premios divídense en tres categorías (produtos alimenticios, produtos non alimenticios e servizos) que pretenden reflectir a diversidade da economía galega e, ao mesmo tempo, garantir que unha ampla gama de empresas teña a oportunidade de ser recoñecida.
Ademais de Estrela Galicia, os premiados foron Arenal Perfumerías na categoría Mellor Empresa de Produtos Non Alimenticios e Mar de Ons na categoría Mellor Empresa de Servizos. Tamén houbo dúas mencións especiais para a Cooperativa Comprado de Abastos e para Adega Algueira.