La subdelegada do Goberno nA Coruña, María Rivas, cualificou hoxe de “fito histórico” para a industria naval de Galicia e a comarca de Ferrol a posta de quilla da fragata F-111 “Bonifaz”, a primeira do programa F-110 contratado polo Goberno á empresa pública Navantia.
María Rivas asistiu esta mañá nos estaleiros públicos de Ferrol ao acto de posta de quilla desta primeira unidade militar que supón “unha nova mostra de como o Goberno de Pedro Sánchez cumpre con Ferrol” e que “se suma aos investimentos que estamos a executar como o ferrocarril do Porto Exterior ou a humanización da avenida das Pías”.
La subdelegada insistiu en que “Ferrol é unha peza crave e fundamental nos programas do Ministerio de Defensa en relación coa Armada, e non só agora senón que o será durante un período de tempo moi longo”. E lembrou que este acto ocorre un ano e catro meses despois do corte da primeira chapa, que presidiu o presidente do Goberno Pedro Sánchez: “un feito que mostra a boa marcha deste programa” e que, de novo, sitúa a Ferrol á vangarda mundial da industria naval militar. A subdelegada mostrou a súa satisfacción por esta evolución e trasladou as felicitacións ao persoal de Navantia e das empresas auxiliares que traballan para o mesmo.
Programa F-110
El Programa F-110, que se executa no estaleiro galego, dotará á Armada de cinco fragatas escoltas polivalentes, que relevarán ás actuais F-80 da clase “Santa María”. Os novos buques estarán deseñados para escenarios de alta intensidade proporcionando unha resposta adaptada á contorna cambiante do século XXI así como un impulso fundamental para a industria nacional de defensa.
O programa conta cun investimento directo de 4.325 millóns de euros e comportará un gran impacto socioeconómico para a comarca, coa xeración de 9.000 empregos directos e indirectos e a participación de máis de 500 empresas españolas. O alto grao de nacionalización tradúcese en que case dous terzos dos equipos das F-110 son españois.