El delegado do Goberno en Galicia, Pedro Blanco, subliñou o novo impulso do Goberno de Pedro Sánchez para completar a conectividade dixital ultrarrápida do territorio galego coa terceira convocatoria do programa UNICO-Banda Larga, que levará a conexión a internet mediante fibra óptica a 9.429 familias e empresas de zonas rurais e remotas da comunidade. Pedro Blanco puxo hoxe en valor a terceira convocatoria, xa aberta, do programa que xestiona o Ministerio de Asuntos Económicos e Transformación Dixital, a través da Secretaría de Estado de Telecomunicacións e Infraestructuras Digitales. Esta liña, que foi publicada xa no Boletín Oficial do Estado, reserva para Galicia un total de 19,7 millóns de euros que se destinarán financiar os proxectos de conexión necesarios para alcanzar o obxectivo de conectividade proposto.
O delegado do Goberno destacou do programa UNICO-Banda Larga que, de entre as liñas do Plan de Recuperación, Transformación e Resiliencia, é o que máis impacto ten sobre o territorio e a cidadanía pois beneficia á totalidade dos concellos de Galicia achegando un servizo esencial para a súa poboación como é a cobertura ultrarrápida de acceso a internet. Ademais, lembrou que é un elemento estratéxico das políticas de reto demográfico como un dos eixos centrais de acción do Goberno.
Pedro Blanco sinalou que a convocatoria de 2023 dá continuidade ás postas en marcha en 2021 e 2022, que xa están en execución. La orde determina, por provincias, as zonas que deberán contar con esta conexión e o orzamento dispoñible para elo.
| Provincia | investimento en millóns de euros | fogares e empresas |
| A Coruña | 4,635 | 2.206 |
| Lugo | 4,608 | 2.319 |
| Ourense | 2,862 | 1.283 |
| Pontevedra | 7,686 | 3.621 |
Por provincias, nA Coruña o programa UNICO-Banda Larga conectará a 54.685 fogares e empresas cun investimento do Goberno de 21,4 millóns de euros. En Lugo, estenderase a fibra a 80.503 fogares e empresas con 27,1 millóns de euros. En Ourense, beneficiaranse 57.056 fogares e empresas para o que Goberno achegará 23,6 millóns de euros. Por último, na provincia de Pontevedra dotarase desta tecnoloxía a 43.910 fogares e empresas, cun investimento estatal de 18,8 millóns de euros.
Tercera convocatoria
A terceira convocatoria do programa UNICO-Banda Larga abriuse o pasado luns e permanecerá aberta ata o próximo 15 de setembro. Ata esa data, as empresas de telecomunicacións poderán presentar as súas propostas.
O Goberno subvenciona en Galicia o 80% do custo dos proxectos, que son un exemplo de colaboración público-privada, xa que as empresas achegan o que resta ata a totalidade do custo destas actuacións. Os proxectos deberán estar finalizados antes do 31 de decembro de 2025.