La subdelegada do Goberno nA Coruña, María Rivas achegouse hoxe ata Betanzos onde, xunto con a alcaldesa, María Barral, fixo un percorrido polo centro histórico para pór en valor a axuda do Goberno de 1,4 millóns de euros para a revitalización do comercio, no marco do Plan de Recuperación.
O proxecto pretende fortalecer o comercio de Betanzos mediante a conexión de tres eixos comerciais: mercado municipal, centro comercial aberto e mercado ambulante. O obxectivo é crear unha oferta comercial cohesionada e sustentable.
La subdelegada puxo en valor a riqueza e singularidade da oferta comercial betanceira cos 153 establecementos que se atopan no centro histórico, os postos do mercado municipal, que unha vez rehabilitado ascenderá a 12 e a feira semanal con 150 postos
“Este Goberno ten claro que é fundamental apoiar esta rede comercial polo impacto económico que supón para Betanzos e porque resulta ademais un elemento diferenciador que hai que coidar e optimizar”, subliñou a subdelegada.
María Rivas destacou que dos 300 concellos que se presentaron a esta convocatoria, Betanzos foi un dos 50 aos que se lles concedeu esta axuda. Neste sentido felicitou á alcaldesa “polo traballo ben feito” xa que o proxecto presentado conseguiu quedar no 18º posto da puntuación.
La subdelegada subliñou a importancia desta axuda do Goberno para levar a cabo un proxecto que dote de identidade á área comercial, potencie a mobilidade e a accesibilidade nos tres eixos. Ademais fixo fincapé na importancia das novas tecnoloxías para crear novas canles de venda e distribución e da sustentabilidade para revalorizar os produtos de quilómetro cero “tan importantes na economía betanceira”.
“Betanzos ten en si mesmo un potencial comercial que é preciso optimizar, cohesionar e modernizar coas novas tecnoloxías” destacou María Rivas, quen asegurou que “con estas axudas poderá consolidar un comercio que terá un sinal de identidade propio e diferenciador”.
Entre outras actuacións o proxecto contempla a instalación de tótems interactivos que ofrezan información sobre os comercios, as asociacións comerciais e os diferentes atractivos turísticos de Betanzos. Haberá aparcadoiro para bicicletas e patinetes nas proximidades do mercado, con cargadores para vehículos eléctricos, instalación de zonas axardinadas acondicionadas para o descanso con cargadores solares , iluminación e mobiliario urbano adaptado.
También crearanse e promocionarán novos deseños de embalaxe para o comercio de proximidades como alternativa sustentable e reutilizable ao plástico ou papel. Tampouco faltarán puntos de recollida intelixentes e illas ecolóxicas para a recollida e separación de residuos.
María Rivas subliñou o investimento de 6,5M€ que o Goberno está a facer en Betanzos a través do Plan de Recuperación. Lembrou o 1,8M€ do Plan de Sustentabilidade Turística; o 1,8M€ do mercado municipal e o 1,5M€ destinados ao Pasatempo.
“Sen dúbida todos estes investimentos axudarán a que Betanzos se consolide aínda máis como un referente turístico, gastronómico e comercial acorde cos novos tempos como son a sustentabilidade e a tecnoloxía” apuntou María Rivas.
María Rivas mostrou a súa confianza no desenvolvemento e posicionamento de Betanzos como municipio comercial diferenciado e como escaparate dos produtos quilómetro cero do destino turístico no que se enmarca. Factores que, segundo argumentou a subdelegada redundarán de maneira positiva tanto no número de visitantes como de compras.
Xunta Local de Seguridade
A visita a Betanzos tamén serviu para coordinar a seguridade nas próximas Festas de San Roque, que se celebran entre o 14 e o 25 de agosto deste mes e que están declaradas de Interese Turístico Nacional. Neste sentido, Rivas subliñou a “total disposición” a colaborar co Concello desde a Subdelegación e desde as Forzas e Corpos de Seguridade do Estado para contribuír a que estas festas poidan celebrarse con seguridade e tranquilidade “para que os miles de persoas que ano tras ano se achegan ata aquí poidan gozar con intensidade destas festas”.
Las festas de Betanzos contarán tamén cun punto violeta no que se recibirá información contra calquera tipo de violencia machista e ao que se poderá acudir para solicitar axuda no caso de que fose necesario.