La subdelegada reafirma a colaboración do Goberno co Concello de Monforte para o mellor desenvolvemento das Fiestas Patronais

Isabel Rodríguez avanzou que haberá presenza permanente dos Corpos e Forzas de Seguridade para a prevención, o control e a seguridade dos monfortinos, así como dos numerosos visitantes que cheguen a Monforte Igualmente, fixo un chamamento á colaboración cidadá para que a época estival discorra coa máxima normalidade posible

La subdelegada do Goberno en Lugo, Isabel Rodríguez, e o alcalde de Monforte de Lemos, José Tomé, copresidiron a Xunta Local de Seguridade con motivo das Festas Patronais da cidade que se celebrarán do 11 ao 16 de agosto . Isabel Rodríguez avanzou que haberá presenza permanente dos Corpos e Forzas de Seguridade para a prevención, o control e a seguridade dos veciños e veciñas, así como dos numerosos visitantes que cheguen a Monforte neses días, co obxectivo de conseguir o mellor desenvolvemento destas festas populares, destacando o magnífico resultado que esta colaboración institucional supuxo nas celebracións de pasadas edicións.

Con respecto ao dispositivo que se porá en marcha, a subdelegada detallou que se elaborou un plan coordinado, en colaboración coa Policía Local, que ten como fin velar pola tranquilidade da cidadanía, garantir a orde pública e poder dar unha resposta rápida e eficiente no caso de que se producise calquera incidente. Á reunión, asistiron mandos da Policía Nacional na comarca, así como os responsables da Policía Local, que traballarán conxuntamente.

Igualmente, a representante do Executivo na provincia aproveitou para facer un chamamento á colaboración cidadá para que a época estival discorra coa máxima normalidade posible. “A Ribeira Sacra e, concretamente, Monforte reciben miles de turistas durante o verán que veñen gozar da riqueza paisaxística, gastronómica, patrimonial e cultural desta zona do sur da provincia, polo que debemos estar preparados, pondo o foco na seguridade”.

Por último, Isabel Rodríguez tamén informou o descenso do número de delitos no municipio, desde a última Xunta Local de Seguridade celebrada no mes de xullo do pasado ano, grazas ao traballo realizado pola Policía Nacional e Local.

Festas que manteñen a esencia
Las festas patronais deste ano/este ano contarán con concertos de variados estilos musicais e haberá unha orquestra ao comezo e final das actuacións. As festas darán comezo o día 11 de agosto, co pregón do maxistrado monfortino Edgar Cloos.