La subdelegada do Goberno en Pontevedra, Maica Larriba, puxo hoxe en valor “colaboración e a cooperación policial internacional con Portugal para favorecer a mellora da atención ao cidadán e ao turista durante este verán”. La subdelegada realizou estas declaracións no acto de benvida aos dous axentes da Policía de Segurança Pública portuguesa que durante o mes de xullo patrullarán Vigo xunto con o Corpo Nacional de Policía. A iniciativa enmárcase no proxecto “Comisarías Europeas” e busca “estar próximo ao turista portugués, que cada vez ten maior presenza en Vigo e na provincia, para ofrecerlle unha atención integral en seguridade cidadá, con policías que falan a súa lingua e coñecen os procedementos legais propios de ambos os países”.
Maica Larriba explicou que os dous axentes que van participar na iniciativa proceden do distrito de Aveiro e que ademais de patrullar a cidade, participarán no dispositivo de seguridade do consello informal de ministros de pesca da Unión Europea do próximo día 17, así como na seguridade no Camino de Santiago, nas Illas Cíes, etc.
A subdelegada do Goberno explicou que os cidadáns portugueses que fan turismo en Vigo “e que son máis cada vez, senten máis tranquilos ao ver a súa propia policía patrullando a cidade xunto á Policía española”. “Trátase”, engadiu “dun proxecto importante para este Goberno, que supón un paso máis na consolidación do concepto da seguridade transfronteiriza”.