La subdelegada do Goberno nA Coruña, María Rivas participou hoxe no encontro literario entre as escritoras Marta Sanz e Berta Dávila na libraría Númax de Santiago. Este encontro forma parte dunha nova edición do programa Afinidades Electivas, do Ministerio de Cultura e Deporte.
Esta iniciativa que se iniciou na 2020 xunta en librarías independentes a autores e autoras que escriben en diferentes linguas para falar das súas “similitudes, diverxencias e conexións”.
La subdelegada do Goberno felicitou ás dúas autoras pola súa traxectoria e agradeceulles compartir a súa maneira de ver o mundo a través da escritura coas lectoras e lectores que hoxe se deron cita en Santiago para escoitalas.
“É un verdadeiro privilexio para todas e todos nós ter a oportunidade de escoitar a persoas que grazas aos seus libros, á súa poesía na que nos/nos fixeron vivir outras vidas, sentir tantas emocións diversas e gozar do pracer inmenso da lectura”, sinalou María Rivas quen asegurou que “hoxe me fai especial ilusión estar neste primeiro encontro de Afinidades Electivas, que non podía contar cun reclamo máis grande que estas dúas autoras ás que tanto admiro”.
La subdelegada felicitou á libraría Númax por sumarse a este programa e reiterou que “este Goberno tivo sempre moi claro que á cultura hai que apoiala, pero hai que apoiala con feitos e sobre todo facéndoa accesible a todo o mundo”
Os encontros desenvólvense desde hoxe ata o 29 de setembro en 12 librarias galegas, seis delas na provincia da Coruña. Son as propias librarías as que propoñen a participación dos autores e autoras en función do público interesado e da programación das súas propias actividades. María Rivas tamén agradeceu ao xornalista Daniel Salado o seu papel no encontro de hoxe, que foi quen presentou ás dúas autoras.
En total, na provincia da Coruña participan un total de 12 creadores e creadoras que escriben en castelán, galego e eúscaro. Tamén hai pluralidade con respecto aos xéneros xa que hai poesía, narrativa e ilustración.
Os obxectivos do programa son por unha banda impulsar a actividade en librarías independentes e, por outra, apoiar a creación literaria en todas as linguas oficiais de España “pondo en valor a pluralidade lingüística do noso país, favorencendo o diálogo entre as distintas linguas e contribuíndo á difusión de literaturas de distintos territorios”.
O próximo encontro que terá lugar na provincia da Coruña, será o 5 de xullo na libraría Berbiriana con Katixa Aguirre e Ismael Ramos. Xa no mes de setembro as librarías nas que se celebrarán as Afinidades Electivas son Mucho Cuento, o día 7 con Manuel Astur e Antía Otero; o día 15, en Clarión estarán Ana María Lamela e Emma Pedreira o 26 de setembro a libraría Cronopios acollerá un encontro entre Manuel Vilas e Yolanda Castaño e o 29 de setembro Afinidades Electivas celebrarase na libraría Lume con Marta Villar e Noemí Sabugal.
Ademais das actividades nas librarías galegas, noutras comunidades autónomas autoras e autores galegos participarán tamén coas súas obras en galego, como é o caso de Emma Pedreira en Asturias, ou Yolanda Castaño en León.