Galicia camiña cara os 9.000 axentes de Policía Nacional e Garda Civil, a maior cifra de efectivos das Forzas e Corpos de Seguridade do Estado da historia. A paulatina incorporación ás súas comisarías ou cuarteis, durante estes días de verán, das últimas promocións de axentes que superaron o proceso de formación inicial nas academias de cada corpo fará que o persoal das Forzas e Corpos de Seguridade do Estado en Galicia chegue ás 8.858 persoas. Trátase dunha cifra superior á rexistrada as finais de 2011, data que ata agora marcaba o máximo de efectivos policiais na Comunidade. Desde ese ano, o persoal de Policía Nacional e de Garda Civil experimentou un acusado proceso de redución que levou a que, en decembro de 2017, ambos os corpos sumasen 8.214 efectivos na Comunidade. Por tanto, a cifra deste verán superará en 644 os efectivos de hai cinco anos, cun crecemento do 7,8%.
O aumento de persoal de Policía Nacional e Garda Civil foi posible grazas ás cinco ofertas de emprego público sucesivas convocadas por iniciativa conxunta do Ministerio de Facenda e Función Pública e do Ministerio do Interior, todas elas con taxas de reposición superiores ao cen por cento. En concreto, estes días incorporaranse ás súas comisarías de destino os alumnos e alumnas da XXXII Promoción da Escala Básica de Policía Nacional. No que respecta á Garda Civil, está previsto que cheguen aos cuarteis a partir do 3 de xullo os alumnos e alumnas das últimas promocións saídas da Academia de Baeza (Xaén) e do Colexio de Gardas Novos de Valdemoro (Madrid).
A nivel nacional, a cifra de efectivos tamén alcanza o máximo histórico de 156.400 policías nacionais e gardas civís, tal e como anunciou o ministro do Interior, Fernando Grande-Marlaska, durante a presentación en Málaga do despregamento das Forzas e Corpos de Seguridade do Estado deseñada para a Operación Verano 2023. Isto significa que en cinco anos o Goberno recuperou un total de 14.381 prazas netas, cifra que supera amplamente os 13.077 efectivos que se perderon no período 2012-2017.
Operación Verán
Muchas das incorporacións de novos e novas policías nacionais e gardas civís nestas próximas semanas permitirán reforzar o dispositivo policial da Operación Verán, que, como cada ano, ten como obxectivo proporcionar unha protección efectiva a toda a cidadanía, nacional ou estranxeira, que acuda ou se mova por España, e en concreto, por Galicia, para gozar do seu período vacacional estival, así como a todas as actividades vinculadas ao turismo. A Operación Verán arrinca este próximo 1 de xullo e o dispositivo policial estenderase en Galicia ata o 31 de agosto. Un total de 3.642 efectivos policiais dedidaranse a esta operación, que prestará unha atención especial ás cidades, ás zonas turísticas, ás festas e ao Camino de Santiago. Deste total, 2.021 efectivos pertencen á Garda Civil e 1.622, ao Corpo Nacional de Policía.
| Policía Nacional | Garda Civil | Total | |
| A Coruña | 749 | 822 | 1.571 |
| Lugo | 160 | 507 | 667 |
| Ourense | 117 | 6 | 123 |
| Pontevedra | 596 | 686 | 123 |
| Galicia | 1.622 | 2.021 | 3.643 |
No caso da Garda Civil, destaca a vixilancia do Camino de Santiago, co funcionamento, un ano máis, das Oficinas Móbiles de Atención ao Peregrino (OMAP), así como o papel da Agrupación de Tráfico no apoio ás operacións especiais deseñadas pola Dirección Xeral de Tráfico para mellorar a seguridade viaria nos desprazamentos destas datas. A Policía Nacional centrará a súa actividade nas cidades e na atención a persoas peregrinas no ámbito da súa demarcación, como é o caso da cidade de Santiago.